सुरक्षा अनुमंडल पुलिस पदाधिकारी कार्यालय कक्षमे एसडीपीओ केर अध्यक्षतामे मासिक अपराध गोष्ठी April 12, 2025 Maithil Punarjagran Prakash बेनीपुर समदिया * अनुमंडल पुलिस पदाधिकारी कार्यालय कक्षमे एस डी पी ओ आशुतोष कुमारक अध्यक्षतामे मासिक अपराध गोष्ठीक आयोजन कयल गेल। एहि दौरान एस डी पी ओ आशुतोष कुमार मार्च मासमे विभिन्न थाना सभमे प्रतिवेदित 160 मामिलाक समीक्षा कयलन्हि आ संबंधित थाना अध्यक्ष सभकें यथाशीघ्र मामिला सभ केर निष्पादन करबाक निर्देश देलन्हि। एहि केर संगहि शराब कारोबारी आ असामाजिक तत्व सभ पर विशेष नजरि राखबाक निर्देश देलन्हि। ओ सभ थाना अध्यक्ष, पुलिस पदाधिकारी आ जवान सभकें रामनवमी आ होली पाबनि शांतिपूर्ण निष्पादन करेबाक लेल सराहना कयलन्हि। एहि दौरान बहेड़ा , बहेडी , मनीगाछी , अलीनगर , सकतपुर , बाजितपुर आ नेहरा थाना अध्यक्ष सहित सर्किल इंस्पेक्टर विजय यादव मौजूद छलाह। Spread the love
