राजभाषा विभाग, गृह मंत्रालय, भारत सरकार द्वारा कर्ण कायस्थ महासभाक पूर्व राष्ट्रीय उपाध्यक्ष, भाजपा मुखपत्र ‘कमल संदेश’ केर सह संपादक एवं इंद्रप्रस्थ साहित्य भारतीक प्रदेश महामंत्री एवं कर्ण कायस्थ महासभा’क पूर्व राष्ट्रीय उपाध्यक्ष संजीव सिन्हा (मूल निवास: झझिहट, सीतामढ़ी; संप्रति: दिल्ली) केर उद्योग संवर्द्धन एवं आंतरिक व्यापार विभाग, वाणिज्य आ उद्योग मंत्रालयक हिंदी सलाहकार समिति मे सदस्य रूपमे नामित भेलासौं मिथिला वासी अत्यन्त हर्षित एवं गौरवान्वित अनुभव कऽ रहल छथि।
कर्ण कायस्थ महासभा बिहार इकाईक अध्यक्ष डॉ. विनय कर्ण, उपाध्यक्ष पल्लवी सिन्हा, महासचिव अजय कुमार दास ‘पिंटू’, सचिव अतुल कुमार वर्मा एवं प्रभाकर कुमार कर्णक संग-संग केकेएम केर केंद्रीय समिति एवं कर्ण कायस्थ महासभाक राष्ट्रीय अध्यक्ष सीए आशीष नीरज द्वारा प्रेषित सन्देशमे संजीव सिन्हाक सुखद भविष्य एवं सफल कार्यकालक लेल शुभकामना एवं बधाई देल गेल अछि।
एहि अवसर पर दिल्लीसँ सी. एम. एल. दास, जमशेदपुरसँ धीरेन्द्र कुमार दास, राँचीसँ निर्मला कर्ण, जामनगर (गुजरात) सँ इरा मल्लिक, बंगलौरसँ विजय बाबू, हैदराबादसँ डॉ. बी. के. कर्ण आदि गणमान्य लोकनि संजीव सिन्हाक मनोनयनसौं गौरवान्वित भेल मिथिलाक दिशिसँ अपार हर्ष व्यक्त करैत शुभकामना देलनि अछि।
