दिन-देखाड़े मुजफ्फरपुरमे बालू-गिट्टी व्यापारीकेँ गोली मारि हत्या

मुजफ्फरपुर । समदिया

मुजफ्फरपुरमे दिनदेखारे एकटा बालू-गिट्टी व्यापारीकेँ गोली मारि कऽ हत्या कए देल गेल। बाइक सवार बदमाश सभ ओवरटेक कए कऽ हुनका चार गोलि मारलक, जाहिसँ हुनकर ओही ठाम मृत्यु भऽ गेल। बिहारक मुजफ्फरपुरमे अपराधी सभक हौसला फेरसँ बुलंद देखल गेल, जतय दिनदेखारे बाइक सवार बदमाश सभ एकटा बालू-गिट्टी व्यापारीकेँ गोलीसँ भूनि देलक। सनसनीखेज घटना अहियापुर थाना क्षेत्रक NH-57 पर इंदिरा नर्सिंग होम लग सोमक दुपहरियामे भेल। मृतकक पहचान गायघाट थाना क्षेत्रक बेरूआ निवासी प्रभाकर सिंहक रूपमे भेल अछि, जे बालू-गिट्टी आ जमीनक खरीद-बिक्री केर कारोबारसँ जुडल छल। बताओल जा रहल अछि जे अपराधी सभ हुनका चार गोलि मारि देलक, जाहिसँ हुनकर ओही ठाम मृत्यु भऽ गेल। प्रत्यक्षदर्शी सभक अनुसार, प्रभाकर सिंह अहियापुर चौक दिसिसँ बड़ा जगन्नाथक तरफ जा रहल छलाह। एहि बीच बाइक सवार अपराधी सभ हुनकर पीछा कए कऽ ओवरटेक कए ताबड़तोड़ फायरिंग कए देलक। गोली लागिते ओ बाइक सहित सड़क पर खसि पड़लाह, जाहिसँ इलाकामे अफरा-तफरी मची गेल। घटना केर सूचना भेटिते एसएसपी कांतेश कुमार मिश्रा दल बल सहित घटना स्थल पर पहुँचि गेलाह आ जाँच शुरू कयल गेल। पुलिस शवकेँ कब्जामे लऽ कऽ पोस्टमार्टम लेल एसकेएमसीएच पठा देलक अछि। घटना स्थलक चारू कात लगल सीसीटीवी कैमरापर पूरा वारदात कैद भऽ गेल अछि। फुटेजमे साफ देखल जा सकैत अछि जे अपराधी पीछा करैत अचानक फायरिंग करैत अछि। वारदात पूरा कयलाक बाद बदमाश बखरी दिसि फरार भऽ गेल। प्रारंभिक जाँचमे पैघ बकाया विवादमे हत्या केर संभावना बताओल जा रहल अछि। पुलिस मृतक केर परिवार आ नजिकीक लोकसँ पूछताछ कऽ रहल अछि। एसएसपी कहला जे मामिला केर गंभीरतासँ जाँच कयल जा रहल अछि आ आरोपीक गिरफ्तारी लेल लगातार छापेमारी भऽ रहल अछि। घटनाक बाद इलाकामे क्रोधक माहौल अछि आ मृतकक परिवारमे कोहराम मचल अछि। संगहि स्थानीय लोकमे पुलिसक प्रति भारी नाराजगी अछि। लोक कहला जे अहियापुरमे लगातार आपराधिक घटना घटि रहल अछि। हुनका सभक अनुसार जल्दीसँ जल्दी अपराधी केर गिरफ्तारी नहि भेल तऽ आन्दोलन करताह।