दिल्लीक पालम मेट्रो स्टेशन लग बहुमंजिला इमारतमे लागल आगिमे 7 गोटे जरि गेल

नई दिल्ली। समदिया

बहुमंजिला आवासीय इमारतमे आगि लगलाहसँ तीनटा बच्चा सहित एक्कहि परिवारक सात सदस्यक मृत्यु भ गेल। अधिकारी बतौलनि आगिसँ बचय लेल दू गोटे इमारतसँ छलांग लगा देलनि आ हुनका उपचारक लेल एकटा अस्पतालमे भर्ती कटओल गेल अछि। दक्षिण पश्चिम दिल्लीक पालम इलाकामे बुधदिन भोरमे एकटा बहुमंजिला आवासीय भवनमे लागल आगिमे तीनटा बच्चा सहित एकटा परिवारक सात सदस्यक मृत्यु भ गेल। आगिसँ बचय लेल दू गोटे बहुमंजिला भवनसँ कूदि गेल आ हुनका इलाजक लेल अस्पतालमे भर्ती कराओल गेल अछि। दिल्ली फायर सर्विस (डीएफएस) केर पालम मेट्रो स्टेशन लग काल्हि एकटा भवनमे आगि लागल से सुचना करीब 7 बजे फोन पर आयल, एकर बाद 30 फायर वाहनकेँ मौका पर पहुंचा देल गेल आ आगि बुझाबय आ भीतर फंसल लोककेँ बचाबय केर अभियान शुरू कयल गेल। डीएफएस केर एकटा अधिकारी कहलनि जे, एकटा आवासीय भवनमे आगि लगबाक सूचना भेटल अछि आ हमरा सभकेँ आशंका छल जे किछु लोक भीतर फंसल भ सकैत अछि। तुरंत बचाव अभियान शुरू भ गेल। घटनास्थलसँ प्राप्त दृश्यमे देखल जा सकैत अछि कि इमारतसँ कारी धुंआक घना गुबार उठि रहल अछि, जखनि कि आगिक लपट इमारतक किछु हिस्साकेँ अपना चपेटमे ल लेलक। अधिकारी सभ कहलनि जे, डीएफएस केर जवान तीन बच्चा सहित सात गोटेकेँ बचा लेलक, जकरा नजदीकक अस्पताल पहुंचा देल गेल, जतय डॉक्टर ओकरा मृत घोषित कय देलक। ओ कहलनि जे, आगिक लपटसँ दू गोटे आओर भवनसँ कूदि गेलाह, जिनक फिलहाल अस्पतालमे इलाज चलि रहल अछि। डीएफएसक अनुसार एहि भवनमे तहखाना आ पांच मंजिल छल, जाहिमे छत पर अस्थायी टीन शेड छल। तहखाना, भूतल आ पहिल मंजिलक उपयोग कपड़ा आ सौंदर्य प्रसाधनक भंडारणक लेल भ रहल छल, जखन कि दोसर आ तेसर मंजिल आवासीय इकाई छल।