पटनाक सार्वजनिक साधारण बीमा कंपनीक अधिकारी आ कर्मचारी शुक्रदिन 8 अगस्त 2025 केँ अखिल भारतीय स्तर पर एक घंटाक लेल कार्यालयकेँ बहिष्कार कयलनि. ई विरोध प्रदर्शन ज्वॉइंट फोरमक आह्वान पर आयोजित कयल गेल छल, जाहिमे देशभरिक कर्मचारी आ अधिकारी शामिल छलथि।
एहि दौरान प्रदर्शनकारी वेतन संशोधन, फैमिली पेंशनमे वृद्धि आ एनपीएसमे योगदान वृद्धि केर मांग उठेलथि। ज्वॉइंट फोरम बतेलक कि अगस्त २०२२ सँ लंबित वेतन संशोधन पर नै तs जीआईपीएसए (GIPSA) आ नै भारत सरकार केर वित्त मंत्रालय कोनो ठोस कदम उठौलक अछि। एकर अलावा फैमिली पेंशन केर मौजूदा १५% सँ बढ़ाकेँ ३०%, एनपीएसमे नियोक्ता केर योगदान १०% सँ बढ़ाकेँ १४% आ बीमा उद्योगमे एफडीआई बढ़ाकेँ १००% करय केर निर्णय केर विरोध एहि आन्दोलनक हिस्सा अछि।
पटना शहरक हड़ताली अधिकारी आ कर्मचारी नेशनल इंश्योरेंस कंपनी लिमिटेड केर क्षेत्रीय कार्यालय सोन भवन बिरचंद पटेल मार्ग पर जमा भेलाह। भोजन अवकाशक दौरान कार्यालय केर मुख्य गेट पर नारा लगाबैत अपन मांग केर जोरदार तरीकासँ आगू बढ़ेलन्हिं। उपस्थित कर्मचारी सब स्पष्ट कयलनि जे ई मात्र सांकेतिक हड़ताल अछि, मुदा सरकार समय पर कोनो ठोस पहल नहि करत तs आन्दोलन तेज होयत।
ज्वॉइंट फोरमक बैनरक तहत एकजुट सब संगठन चेतौनी देलक अछि जे जँ हुनकर मांग पर सकारात्मक कार्रवाई नहिं कयल गेल तs 25 अगस्त 2025 केँ एक दिवसीय अखिल भारतीय हड़ताल होयत। कर्मचारी सब कहलनि जे हुनकर मांग बहुत दिनसँ लंबित अछि आ आब धैर्य खतम भs रहल अछि।
