विश्व हिन्दू परिषदक ६०म स्थापना दिवस पर ‘सद्भाव यात्रा’

सहरसा समदिया
*

विश्व हिन्दू परिषदक स्थापना केर साठि साल पूरा भेलाक शुभ अवसर पर सनातन सदभाव यात्रा निकालल गेल। जिलाध्यक्ष पम्पल सिंहक अध्यक्षतामे शहरक पॉलिटेक्निक हनुमान मंदिरसँ निकालल गेल, ई यात्रा संत धर्मसभा आ विद्वानक संग समाप्त भेल। एहि कार्यक्रममे धर्म रथक संग सैकड़ों कार्यकर्ता जय श्रीरामक नाराक संग आयोजन स्थल पर पहुंचल छलाह।

प्रांतक कानून प्रमुख शारदा कांत झा कहलनि जे देश आ समाजक रक्षा लेल युवाकेँ शौर्य जगबय पड़तनि। हमरा सभकेँ शिवाजी आ गुरु गोविन्द सिंहसँ सीखय पड़त। जिला मंत्री प्रणब मिश्र कहलनि जे समाजकेँ एकजुट करय पड़त आ भारतकेँ अटूट करय लेल प्रतिबद्ध रहय पड़त। जिलाक सह-मंत्री अभिषेक सिंह कहलनि – जे भारतकेँ माँ मानैत छथि देशमे रहनिहार ओ सभ हिन्दू छथि आ हिन्दू पूरा दुनियाक कल्याणक इच्छा रखैत अछि।

एहि कार्यक्रमकेँ सफल बनेबाक लेल पुनीत आनंद, शंभू राय, कोषाध्यक्ष कुंदन सिंह, भैरव झा, संजय साह, रतन कुमार, हरिओम सिंह, त्रिलोक झा, रतन दुबे, अमित कुमार, सोनू गुप्ता, मानस मिश्र, अभिमन्यु सिंह, राजा सिंह, सोनू टशन, राजदेव भगत, आशीष मिश्रा, गुप्ता, विजय गुप्ता, राहुल कुमार, राजवीर सिंह, कुन्दन कुमार, चिन्टू पोद्दार, आलोक राय, अभिनन्दन कुमार, शुभम आनंद, निरंजन कुमार, विवेक कुमार, हिमांशु, महादेव झा, गौरव कुमार, सुमित तिवारी, आदि सक्रिय छलथि।