राजद नेत्री संजू कोहली द्वारा पटनाक आरजेडी कार्यालयक बाहर पोस्टर लगायल गेल अछि, जाहिमे पीएम मोदी आ सीएम नीतीशक फोटोक नीचा लिखल अछि “आतंकवादीकेँ जवाब दिऔ, जनता अहाँ सभक संग अछि।
बिहारमे एहि साल अक्टूबर-नवंबरमे होबय वाला विधानसभा चुनावकेँ लय राजनीतिक हलचल तेज भ’ गेल अछि। प्रदेशक सभ राजनीतिक पार्टी सभ चुनावी तैयारीक रणनीति बनबैमे लागल अछि। दोसर दिसि एनडीए आ राष्ट्रीय जनता दलक बीच पोस्टर वाॅर सेहो तेज होइत जा रहल अछि। एही कड़ीमे पटनाक आरजेडी कार्यालयक बाहर प्रधानमंत्री नरेंद्र मोदी आ बिहारक मुख्यमंत्री नीतीश कुमार पर निशाना लगबैत पोस्टर लगायल गेल अछि।
जनतब जे आरजेडी नेत्री संजू कोहलीक दिसिसँ पोस्टर लगायल गेल अछि। पोस्टरमे एक दिसि महागठबंधनक दिससँ निकालल गेल कैंडल मार्चकेँ फोटो देखाइत अछि, जाहिमे तेजस्वी यादव आ अन्य नेता शामिल छथि। जकर संग लिखल अछि आ एक दिसि देश मातम मना रहल अछि। एकर ठीक दोसर दिसि पीएम मोदी आ सीएम नीतीश कुमारक मधुबनी रैलीक दौरानक एकटा फोटो देखायल गेल अछि। एहि फोटोक संग लिखल अछि रैली, जनता सब याद राखत। तहिना पीएम मोदी आ सीएम नीतीशक फोटोक नीचाँ लाल अक्षरमे लिखल अछि आतंकवादीकेँ जवाब दियौ, जनता अहाँक संग अछि।
तेजस्वी यादव द्वारा बिहारक जनतासँ अपना लेल 5 सालक समय माँगय पर बीजेपीक सेहो प्रतिक्रिया आएल अछि। बीजेपी प्रवक्ता नीरज कुमार कहलनि कि तेजस्वी, अहाँ कोन मुँहसँ बिहारक जनतासँ अपना लेल पाँच साल माँगि रहल छी, लज्जा नहि अबैत अछि अहाँकेँ। अहाँक पिता सेहो 5 सालक समय माँगि कऽ आएल रहथि, 15 साल धरि रहलाह, बिहारकेँ जंगलराज बना देलन्हि, हत्या, लूट आ अपहरणक केन्द्र बना देलनि।
अहाँ (तेजस्वी यादव) मुख्यमंत्री नीतीश कुमार संग दू बेर आएल रही आ बिहारकेँ लूटनाय शुरू कएलहुँ, तखनि जा कय मुख्यमंत्री अहाँकेँ भगेलाह। बिहारक जनता जंगलराजक प्रतिनिधिकेँ कखनहुं मुख्यमंत्रीक रूपमे नहि देखय चाहैत अछि।
