राजद सुप्रीमो लालू प्रसाद यादव केर पार्टीक हुनकर विधायक लगातार झटका लगा रहल छथि। शुक्रदिन (०१ मार्च) भबुआक विधायक भरत बिन्द पक्ष बदलि सत्तारूढ़ दलमे बैसि गेलाह। राष्ट्रीय जनता दलक विधायक भरत बिन्द सम्राट चौधरीक संग बिहार विधानसभा पहुँचलाह। ओ भाजपामे शामिल भए गेलाह।
कैमूर जिलाक चांद थाना क्षेत्रक सिलौटा गामक निवासी भरत बिन्द २०१० सँ अपन राजनीतिक जीवनक शुरुआत कयलनि। २०१०मे ओ जिला परिषदक चुनाव लड़लाह आ जीतलाह। २०१५ मे ओ बहुजन समाज पार्टीक टिकट पर भभुआ निर्वाचन क्षेत्रसँ विधानसभा चुनाव लड़लनि, मुदा हुनका हारक सामना करय पड़लनि। एकर बाद भरत बिन्द लालू प्रसाद यादवक पार्टी राजदमे शामिल भऽ गेलाह। २०२० केर विधानसभा चुनावमे भरत बिंदकेँ राजदसँ टिकट भेटल आ ओ भभुआ सीटसँ चुनाव लड़लाह। ओ एहि सीट पर जीत हासिल केलखिन। आब एक बेर ओ राजदकेँ झटका देलखिन आ पक्ष बदलि भाजपामे शामिल भऽ गेलाह।
दरअसल, शुक्र कऽ विधानसभामे बजट सत्रक अंतिम दिन छल। दुपहरियाक बाद गैररकारी सदस्यसभकेँ विधानसभाक भीतर सदनमे लऽ जायल जा रहल छल। एम्हर भभुआक विधायक भरत बिन्द सदन पहुँचलाह आ सत्ता पक्ष दिसि बैसि गेलाह।
बताबैत चली जे फ्लोर टेस्टक दिन आरजेडी केर तीन विधायक सबसँ पहिने पक्ष बदललनि। एहिमे चेतन आनन्द, नीलम देवी आ प्रह्लाद यादव शामिल छलाह। एकर बाद कांग्रेसक दूटा आ राजदक एकटा विधायक पक्ष बदललनि। तीनू विधायकमे राजदक संगीता देवी सेहो छलीह। आब एक बेर फेर राजद विधायक भरत बिंद अलग भऽ गेलाह। एहि तरहेँ तेजस्वी यादव एखन धरि अपन पाँच विधायक गमा चुकल छथि। ओतहि कांग्रेस दूटा विधायक गमा चुकल अछि।
