सीएम साइंस कॉलेजक जंतु विज्ञान विभागमे चतुर्थ वर्गीय कर्मचारी केर पद पर कार्यरत लाल झा 62 वर्षक आयु सीमा पार कयला बाद 31 मार्चकें सेवानिवृत्त भ’ गेलाह। हुनक सेवानिवृत्ति उपरांत महाविद्यालयक प्रधानाचार्य प्रो दिलीप कुमार चौधरी केर अध्यक्षतामे शुक्रदिन कार्यक्रम आयोजित क’ हुनका सम्मान पूर्ण विदाइ देल गेलनि।
कार्यक्रममे जंतु विज्ञान विभागाध्यक्ष डा पूजा अग्रहरि, लाल झा केर व्यक्तित्व ओ सेवाकालक उपलब्धिक विस्तारसँ चर्चा कयलनि। बर्सर डा उमेश कुमार दास महाविद्यालय परिवार दिसिसँ हुनक दीर्घ आ स्वस्थ जीवनक कामना कयलनि।
अध्यक्षीय संबोधनमे प्रधानाचार्य सेवाकालमे लाल झा केर कर्तव्यनिष्ठाक सराहना करैत एकरा अनुकरणीय बतेलनि। मौका पर हुनका फूलक माला, पाग आ दोपटा संग अनेक उपहार प्रदान क’ सम्मानित कयल गेलनि।
विदाइ समारोहमे डा दिलीप कुमार झा, डा सुषमा रानी, डा हर्षा कश्यप, डा अंशु सिन्हा, डा सुमित कुमार कोले, कुमार राजर्षि, राधेश्याम झा, आदित्य नाथ झा, डा रोहित कुमार झा, राधेश्याम झा, अनुपम कुमार झा आदि उपस्थित छलाह।
