आम आदमी पार्टीक नेता आ दिल्लीक पूर्व मुख्यमंत्री आतिशी दिल्लीक मुख्यमंत्री रेखा गुप्ता पर सवाल उठबैत कहलनि जे प्रधानमंत्री नरेन्द्र मोदी दिल्ली विधानसभा चुनावक दौरान महिलासभक लेल एकटा महत्वपूर्ण वादा कयने छलथि, जकरा रेखा गुप्ता झूठ साबित कयलनि अछि। आतिशी कहलनि जे पीएम मोदी कहने छलाह जे भाजपा सरकार बनलाक बाद दिल्लीक प्रत्येक महिलाकेँ ८ मार्च धरि हुनकर बैंक खातामे दू हजार पाँच सय रुपया भेटत। एकर अतिरिक्त, मोदी जी इहो दावा कयलनि जे एहि योजनाकेँ पहिल कैबिनेट बैसारमे मंजूरी देल जायत। ओ दिल्लीक महिलासभसँ अपील कयलनि जे ओ अपन बैंक खाताकेँ अपन फोन नंबरसँ जोड़ि देथि जाहिसँ ओ ई राशि सोझे अपन खातामे प्राप्त कऽ सकथि।
आतिशी कहलनि जे रेखा गुप्ता २० फरवरी, २०२५ केँ दिल्ली सरकारक पहिल कैबिनेट बैसारमे महिला समृद्धि योजना पारित नहि कयलनि। ई योजना पीएम मोदीक वादाक विपरीत साबित भेल, जाहिसँ ई सवाल उठल जे की मोदी जीक गारंटी मात्र एकटा नारा छल। मुख्यमंत्री एहि निर्णयक बाद मोदी जीक वादाकेँ झूठ साबित कयलनि आ प्रदर्शित कयलनि जे ई वादा मात्र एकटा चुनावी वादा छल।
आतिशी कहलनि जे प्रधानमंत्री मोदी दिल्लीक महिलासभसँ कतेको बेर वादा कयने छलाह जे हुनक सरकारक गठनक बाद पहिल काज महिलासभकेँ दू हजार पाँच सय रुपया उपलब्ध करयबाक योजनाकेँ लागू करब होयत। मुदा रेखा गुप्ता देखौलनि जे पीएम मोदीक वादा मात्र बयानबाजी धरि सीमित छल आ पूरा दिल्लीक सोझाँ अपन गारंटीकेँ खारिज कऽ देलनि। आब सवाल उठैत अछि जे की मोदी जीक वादाक अनुसार 8 मार्च तक दिल्ली’क महिलाक खातामे दू हजार पांच सौ रुपया पहुंचत ?
आतिशी कहलनि जे मुख्यमंत्री रेखा गुप्तासँ पूछल जा रहल अछि जे की एक बेर फेर पीएम मोदीकेँ झूठा साबित करतीह वा महिला समृद्धि योजना लागू करतीह। दिल्लीक महिलासभ लग आब ई प्रश्न अछि जे मोदी जीक वादाक की भेल आ ओ वादा, जे चुनाव अभियानक हिस्सा छल, कहियो पूरा होयत वा नहि ?
