आरसीपी सिंह कयलनि नव पार्टीक गठनक घोषणा

पटना
*

२४ साल धरि सीएम नीतीश कुमारक संग ‘यस मैन’ बनि पार्टी आ संगठनकेँ ऊँचाइ पर पहुँचेनिहार आरसीपी सिंह आब अपन नव पार्टीक गठन करताह। कहलनि, “हम भाजपामे कोनो रिन्यूअल नहिं कयलहुँ अछि।

पूर्व केन्द्रीय मंत्री आरसीपी सिंह शनिदिन बिहारमे एकटा नव पार्टीक गठनक घोषणा कयलनि। ओ भाजपाक संग संबंध समाप्त करबाक बात कयने छथि। हुनका भाजपामे सम्मान नहि भेटि रहल छलनि, तेँ ओ भाजपासँ कात होयबाक विचार कयने छथि। ओ इहो कहलनि जे भाजपा आ जेडीयूक कतेको नेता हुनक सम्पर्कमे छथि।

बिहारमे राजनीतिक उथल-पुथल आ महागठबंधन सरकारक गठनक दौरान आरसीपी सिंह भारतीय जनता पार्टीक संग चलि गेल छलाह, मुदा जखन नीतीश कुमार बिहारमे उलटफेर नीतिक तहत एनडीएमे वापस आबि गेलाह तऽ कहल गेल जे पूर्व केंद्रीय मंत्री आरसीपी सिंह हाशिया पर चलि गेल छथि। आब आरसीपी सिंह अपन कार्ड खोलि देलनि।वास्तवमे राजधानी पटनामे आइ आरसीपी सिंहक एकटा पोस्टर सुर्खियोंमे छल। पोस्टरमे कहल गेल छल जे ‘टाइगर एखनो जीवित अछि’, जकर बाद आरसीपी सिंह आब खुलि कए कहलनि अछि जे हम विकल्पक रूपमे बिहारमे एकटा नव पार्टी देबय जा रहल छी।

पूर्व केन्द्रीय मंत्री आरसीपी सिंह अपन भविष्यक राजनीति पर खुलि कऽ बात कहलनि। हुनकासँ जखनि पूछल गेल जे अहाँक राजनीतिक गतिविधि देखाई नहिं पड़ि रहल अछि, एकर जवाब दैत पूर्व केन्द्रीय मंत्री कहलखिन जे हम सब जगह देखाइत छी। कतेको माससँ हम बिहारक अलग-अलग कोनमे जा रहल छी। हम कार्यकर्तासँ भेंट करैत रहैत छी। हम कहियो नहि बैसल छी। हम लगातार भ्रमण कए रहल छी। जखन हम पटनामे रहैत छी तखन हम कार्यकर्ता सभसँ भेंट करैत छी।

ई पूछला पर कि की ओ भारतीय जनता पार्टीमे छथि, ओ जवाब देलनि जे भाजपामे सदस्यता अभियान चलि रहल अछि। हम कोनो रिन्यूअल नहिं कयलहुँ अछि। राजनीतिक भविष्यक विषयमे पूछला पर आरसीपी सिंह कहलनि जे ओ एकटा नव पार्टीक गठन करताह। जखनि आरसीपी सिंहसँ पूछल गेल जे भाजपामे सम्मान भेटि रहल अछि तखनि नव पार्टी बनेबाक आवश्यकता किएक पड़ल ? एकर जवाब दैत आरपी सिंह कहलनि जे अहाँकेँ एहेन लगैत अछि की ? हम टूर पर गेलहुँ। हमरासभ लग बहुत रास कार्यकर्ता अछि, आइ बिहारमे कोनो एहन पार्टी नहि अछि जतय कार्यकर्ता सभक सम्मान होय।

आरसीपी सिंहसँ पूछल गेल जे की जेडीयू अहांसँ संपर्क कयलक अछि। एकर जवाब दैत ओ कहलनि जे हमरासँ कियो सम्पर्क नहि कयलक अछि। जँ जेडीयू फोन करैत अछि तँ जाएब की ? एकर जबाब दैत ओ कहलनि जे हम एकटा पार्टी बना रहल छी। हम किएक जाएब ?

जेडीयूमे कॉकस होयबाक मामिला पर आरसीपी सिंह कहलनि जे जाहि लोकक फोटो नीतीश कुमारक बगलमे अबैत अछि। एक-दू गोटेकेँ छोड़ि समता कालक बादसँ कियो जेडीयू केर संग ठाढ़ नहिं भेल अछि। जखन आरसीपी सिंहसँ पूछल गेल जे की नीतीश कुमारकेँ नेता लोकनि अपन हाथमे लऽ लेने छथि ? एकर जवाब दैत आरसीपी सिंह कहैत छथि जे जतय धरि हमरा पता अछि, नीतीश कुमार पर कियो कब्जा नहिं कऽ सकैत अछि।

जखनि आरसीपी सिंहसँ पूछल गेल जे की हुनकर नव पार्टी २४३ सीट पर चुनाव लड़त, तखन एकर जवाब मे ओ कहलनि जे एखनि मात्र पार्टीक गठन होयत, संगठन पर आगू काज होयत। जकरा योग्य उम्मीदवार भेटत हुनका चुनाव क्षेत्रमे मैदानमे उतारल जायत। हमर जेडीयू आ भाजपाक कतेको नेता सहयोगी छथि। हमरा सबसँ बढ़िया संबंध अछि। राजनीति विकल्पक चीज अछि आ जँ कोनो बेहतर विकल्प भेटैत अछि तँ कतेको राजनीतिक दलक लोक शामिल होयत।