पूर्व सांसद रामा सिंहकेँ लोजपाआरमे शामिल होबए पर चिराग पासवान कहलनि कि रामा सिंह पार्टीक स्थापनासँ पिताक संग छलाह। आइ ओ इ देखि खुश हेताह।
राजदसँ इस्तीफा देलाक बाद पूर्व सांसद रामा सिंह बुधदिन (१ मई) लोजपा (राम विलास)मे शामिल भऽ गेलाह। रामा सिंहक सङ्ग हुनक हजारो कार्यकर्ता सेहो चिराग पासवानक पार्टीमे शामिल भऽ गेल छथि।
पूर्व सांसद रामा सिंह अपन पुरान घर वापस आबि गेल छथि। रामा सिंहक पहिनेसँ लोजपा (राम विलास) मे शामिल होयबाक अपेक्षा छल। लोजपा (राम विलास) मे शामिल भेला पर चिराग पासवान कहलनि, “रखमा सिंह पार्टीक शुरुआतसँ पिताक संग रहैत छलाह, आइ हुनका ई देखि कऽ जरूर खुशी होयत। रामा सिंहक पार्टीमे फेरसँ शामिल भेलासँ पार्टीकेँ आओर मजबूती भेटत।”
वास्तवमे रामा सिंह एहि बेर वैशाली वा शिवहर लोकसभा सीटसँ महागठबंधनसँ टिकट चाहैत छलाह, मुदा राजद हुनका कतहुसँ टिकट नहिं देलक। तहियासँ हुनकर आक्रोश लगातार देखाइत छल। ओ लगातार पार्टी लाइनक बाहर बयान दैत छलाह।
२०१४ केर लोकसभा चुनावमे राम किशोर सिंह लोजपाक टिकट पर ई सीट जीतलनि। ओ राजदक डॉ. रघुवंश प्रसादकेँ लगभग १ लाख मतसँ पराजित कयलनि। २०१५ केर बाद ओ लोजपा छोड़ि राजदमे शामिल भेलाह आ तहियासँ राजदमे रहलाह, यद्यपि हुनक पत्नी वीणा देवी एखनो राजदमे छथि आ ओ महनार विधानसभासँ राजद विधायक छथि।
सभ दलक असंतुष्ट नेता अपन पार्टी छोड़ि कोनो आन पार्टीमे शामिल भऽ रहल अछि जतयसँ हुनका टिकट भेटबाक उम्मीद अछि। ई सूची बहुत नमहर अछि। रामा सिंहक अतिरिक्त राजद प्रवक्ता करुणा सागर सेहो बुधदिन कांग्रेसमे शामिल भेलथि।
