राहुल-तेजस्वी छात्र आन्दोलनक करैथ नेतृत्व, हम पाछू चलब : प्रशांत किशोर

पटना
*

जन सूराज पार्टीक संस्थापक प्रशांत किशोर कहलनि, “राहुल गांधी, तेजस्वी यादवकेँ एतय आबि आन्दोलनक नेतृत्व करबाक चाही, हम हुनकर पाछू चलय लेल तैयार छी।”

प्रशांत किशोर कहलनि कि हमरा हुनकर पाछा चलयमे कोनो समस्या नहि अछि। मुदा अहाँकेँ घरसँ बाहर निकलए पड़त। राहुल गांधी आबथु। मुदा ओ तऽ नव वर्षक छुट्टी मनाबय विदेशमे छथि। पिछला बेर ओ बिहार आयल छलाह जखनि हुनका वोटक जरूरत छलनि। अगिला बेर जखनि वोटक जरूरत पड़त तखनि फेर अओताह। जँ तेजस्वी यादव नेतृत्व करय चाहैत छथि तऽ हुनका एतय बंगलासँ बाहर आबय पड़त। बस ट्वीट कयलासँ काज नहि चलत।एकटा प्रश्नक उत्तर दैत ओ कहलनि जे ओ छात्रक हितक लेल आमरण अनशन पर बैसल छथि आ जाबत धरि हुनका न्याय नहि भेटत ताबत धरि अनशन जारी रहत।

एकटा प्रश्नक उत्तरमे ओ कहलनि जे जे लोक हमरा ‘किशोर’ कहैत छथि ओ इहो नहि बुझैत छथि जे युवे वयस्क बनैत अछि। जे पहिनेसँ वयस्क छथि ओ उमेरि बढ़य केर सङ्ग जीवनक पतन दिसि बढ़ि रहल छथि। हमरा ‘किशोर’ कहि ओ लोकनि हमर युवावस्थाकेँ स्वीकार करैत छथि, जे नीक बात अछि। आखिरकार, ई युवे अछि जे विकसित होएत आ भविष्यकेँ आकार देत, जखनकि उमेरि बढ़यवाला लोक अनिवार्य रूपसँ अन्त दिस बढ़ि रहल छथि।

ठंढा पर पूछल गेल एकटा प्रश्नक उत्तर मे ओ कहलनि जे ठंढ़ अछि तऽ की कय सकैत छी। एहि ठंढ़ामे बीपीएससी केर छात्रकेँ पीटि देल गेल। ओहि पर पानिक तोपक प्रयोग कयल गेल। बिहारमे ५० लाखसँ बेसी लोक कारखाना आ खेतमे काज कऽ रहल अछि। जँ एहि व्यवस्थाकेँ बदलबाक अछि तखनि किछु लोककेँ जाड़-गरमीसँ हटि कय ठाढ़ होबय पड़त, तेँ ओ एतय ठाढ़ छथि।