कांग्रेस नेता राहुल गांधी महेन्द्रगढ़मे एकटा जनसभाकेँ सम्बोधित करैत कहलनि, “प्रधानमंत्री मोदी पहिल बेर भारतक जवान सभकेँ मजदूरमे बदलि देलनि अछि। दू तरहक शहीद होएत। एकटा साधारण जवान वा अधिकारी, जकर परिवारकें पेंशन भेटत, ओकरा शहीदक दर्जा भेटत आ दोसर गरीब परिवारक बेटा, जकर अग्निवीर नाम राखल गेल अछि। सेना इ (अग्निवीर योजना) नहिं चाहैत अछि। इंडिया केर सरकार आओत, हम अग्निवीर योजनाकेँ लऽ कऽ कूड़ेदानमे फेकि देब। जँ हरियाणाक युवा शहीद होयत, चाहे ओ कियो होइ, ओ सभ एक्कहि तरहक शहीद होयत। भारत सरकार सभक रक्षा करत।
एकर बाद राहुल गांधी सोनीपत आ चरखी दादरीमे पार्टीक उम्मीदवार राव दान सिंहक समर्थनमे रैली कयलनि। एकर बाद राहुल गांधी रैलीकेँ संबोधित करैत कहलखिन कि ओ हरियाणाक सभ १० सीट जीतताह। ४ जूनकेँ एन.डी.आई.ए. गठबन्धन सरकारक गठन भऽ रहल अछि। एकर एक मास बाद, ४ जुलाईकेँ देशक करोड़ो महिलाक खातामे ८५०० टका आओत।
राहुल गाँधी कहलनि जे हम देशक पुत्र छी आ प्रधानमंत्री नरेन्द्र मोदी देशक राजा छथि। ओ कहलनि जे कांग्रेस युवासभकेँ पहिल स्थायी नौकरी देत।