कांग्रेसक वरिष्ठ नेता राहुल गाँधीक भारत जोड़ो न्याय यात्रा सोमदिन मध्य प्रदेशमे तेसर दिनमे प्रवेश कयलक। शिवपुरीमे राहुल गांधी केंद्र सरकार पर हमला केलखिन।
राहुल गाँधीक भारत जोड़ो न्याय यात्रा २ मार्चकेँ मध्य प्रदेशमे प्रवेश कयने छल। राहुल गाँधी यात्राक तेसर दिनक शुरुआत शिवपुरीसँ कयलनि।
माधव चौराहा पर भेल आम सभामे राहुल गांधी केंद्र सरकारक नीति पर हमला करैत कहलखिन, “देशमे जानिबूझ कए जातिगत जनगणना नहिं कयल जा रहल अछि। हम हर बेर कहैत छी जे जातिगत जनगणना होयबाक चाही जाहिसँ पिछड़ा वर्ग, अनुसूचित जाति, अनुसूचित जनजाति, आदिवासीक संख्या स्पष्ट रूपसँ सामने आबि सकय। मुदा केंद्र सरकार एहि पर किछु नहि कहि रहल अछि।”
राहुल गांधी कहलनि जे देशमे तीन टा पैघ मुद्दा अछि – बेरोजगारी, मुद्रास्फीति आ तेसर भ्रष्टाचार। मुदा ई तीनू मुद्दा गायब अछि।
राहुल गाँधीक यात्राक तेसर दिन हुनका सङ्ग पार्टीक प्रदेश अध्यक्ष जीतू पटवारी, पूर्व मुख्यमंत्री दिग्विजय सिंह सहित शिवपुरी गुना क्षेत्रक सभ पैघ नेता सम्मलित भेलाह।
