राहुल गांधी बिहार कांग्रेस नेताकें एसआईआरक संबंधमे सावधान रहबाक सलाह देलनि अछि। ओ कहलनि जे, कार्यकर्ताकें सतर्क रहबाक चाही ताकि घुसपैठिया आ रोहिंग्या केर नाम पर असली मतदाताक नाम नहि छोड़ल जाय।
बिहारमे विधानसभा चुनावक तैयारी पार्टी शुरू कय चुकल अछि। दोसर दिसि चुनावसॅं पहिने मतदाता सूची संशोधनक काज सेहो शुरू भऽ गेल अछि। एहि बीच कांग्रेस नेता राहुल गांधी पार्टी कार्यकर्ताकें सतर्क रहबाक सलाह देलनि अछि। एसआईआरक दौरान राहुल गांधी कार्यकर्ता सभसॅं अपील कयलनि जे बीएलओ केर हर गतिविधि पर नजरि राखधि।
बता दी जे राहुल गांधी बिहार कांग्रेसक कार्यकर्ताक संग एकटा बैसार कयलनि, जाहिमे ओ कार्यकर्तासॅं आगामी चुनावक रणनीति पर चर्चा कयलनि।
असलमे बिहार कांग्रेसक बैसार करीब एक घंटा धरि चलल। एहि बैसारमे नेता प्रतिपक्ष राहुल गांधी बिहार कांग्रेसक सभ नेताकेँ एसआईआरक संबंधमे सावधान रहबाक सलाह देलनि। एकर अलावा ओ बीएलओ द्वारा कएल जा रहल गतिविधि पर नजरि रखबाक लेल कहलनि। राहुल गांधी कहलनि कि ई एखनि शुरुआत अछि आ आबयवला दिनमे ई प्रक्रिया बंगाल, असम आ देशक अन्य राज्यमे होयत, ताहि लेल पार्टीक नेताकेँ सतर्क रहय पड़त।
बैसारमे राहुल गांधी पार्टीक नेताकेँ राजदक संग सीट पर सम्मानजनक समझौता करय केर सेहो निर्देश देलनि। राहुल गांधी कहलनि जे, राजदक संग सीट बंटवाराक फार्मूला कांग्रेसक लेल सम्मानजनक होयबाक चाही। बताबी जे 14 जुलाईकें बिहारमे आगामी विधानसभा चुनावमे एसआईआरक मुद्दा पर पार्टी अध्यक्ष मल्लिकार्जुन खड़गे आ विपक्षक नेता राहुल गांधी बिहार कांग्रेसक नेतासॅं भेंट कयलनि। एहि बैसारमे सब नेता अपन विचार रखलनि जे एसआईआर मुद्दा पर पार्टीक रणनीति की होयबाक चाही।
