संसदक मानसून सत्रक पहिल दिन सोमदिन चयनित समिति लोकसभामे आयकर विधेयक, 2025 केर रिपोर्ट पेश केलक। ई रिपोर्ट सदनमे भाजपा सांसद आ समिति अध्यक्ष बैजयंत पांडा द्वारा प्रस्तुत कएल गेल। एहिसँ पहिने फरवरीमे सेहो इ विधेयक पेश कयल गेल छल, जकरा विस्तृत जांच लेल चयनित समितिकेँ पठा देल गेल छल।
आयकर विधेयक, 2025कें उद्देश्य 1961कें मौजूदा आयकर अधिनियमकें भाषा आ संरचनाकें सरल आ स्पष्ट केनाइ अछि, ताकि आम करदाता आ व्यवसायीकें लेल कर प्रणालीकें समझनाय आसान भऽ सकय।
पांडा कहलनि कि ई नव विधेयक तैयार करैत समय तीनटा मूल सिद्धांतक पालन कयल गेलै। भाषा आ संरचनामे सादगी, कर नीतिमे कोनो पैघ बदलाव नहि आ कर दरमे कोनो बदलाव नहि। एकर संग समिति ई विधेयककेँ सरल बनाबै लेल तीन तरहक रणनीति अपनालकै। एहिमे जटिल आ कठिन भाषाकेँ हटा कय सरल बनाओल गेल, दोहराव वला प्रावधानकेँ हटा देल गेल आ कर कानूनक धाराकेँ क्रमिक रूपसँ व्यवस्थित कयल गेल ताकि लोककेँ ओकरा बुझबा आ तकबामे आसानी भऽ सकए।
एकर अलावा समिति एहि प्रक्रियामे विभिन्न हितधारककेँ सेहो शामिल कयलक। एहिमे करदाता, व्यवसायी, उद्योग संगठन आ पेशेवर निकायसँ सुझाव मांगल गेल। कुल 20,976 ऑनलाइन सुझावमे सँ आवश्यक आ उचित सुझाव विधेयकमे शामिल कयल गेल। एकर संग-संग कर पेशेवर आ उद्योग विशेषज्ञसँ चर्चा कयल गेल आ ऑस्ट्रेलिया आ यूनाइटेड किंगडम एहेन देशक कर प्रणाली केर सरल मॉडलक सेहो अध्ययन कयल गेलै।
बैजयंत पांडा कहलनि कि आयकर विधेयक, 2025 सरकारक “ईज ऑफ डूइंग बिजनेस”केँ बढ़ावा देबय केर प्रतिबद्धताकेँ दर्शाबैत अछि। ई विधेयक देशमे एकटा सरल, स्पष्ट आ आसान कर संरचना अनबाक दिशामे एकटा पैघ डेग अछि।
