भारत निर्वाचन आयोग द्वारा बिहार विधान सभा आम चुनाव 2025 केर मद्देनजर आयोगक विभिन्न ऐप्स केर रीलक माध्यमसँ जानकारी देबय हेतु एकटा प्रतियोगिताक आयोजन कयल गेल छल।
दरभंगा जिला प्रशासनक मार्गदर्शनमे स्वीप icon मणिकांत झा द्वारा विभिन्न ऐप जेना – वोटर हेल्पलाइन, नो योर कैंडिडेट, सक्षम एवं डायल 1950 केर संबंधमे रील तैयार कयल गेल अछि। जकरा CEO बिहार एवं जिला प्रशासन, दरभंगाक फेसबुक/ X ग्रुप पर साझा कयल गेल अछि।
दरभंगा जिला द्वारा प्रस्तुत सभ 4 टा रीलकेँ अत्यंत सराहनाक संग A कैटेगरी केर अंतर्गत राखल गेल अछि।
एहि अवसर पर जिला निर्वाचन पदाधिकारी सह जिला पदाधिकारी द्वारा दरभंगा जिलाक जनतासँ अपील कयल गेल जे – तैयार कयल गेल रीलकेँ जन-जन तक पहुंचाबय लेल अपन सोशल मीडिया हैंडलस पर साझा करी ताकि भारत निर्वाचन आयोग द्वारा तैयार कयल गेल सभ ऐपक जानकारी दरभंगा जिलाक आम जन मानस धरि पहुंचय एवं मतदाता निर्भीक एवं पारदर्शी रूपसँ निर्वाचन प्रक्रियाक भागीदार बनथि।
जिलाधिकारी द्वारा सभसँ अनुरोध कयल गेल कि – जे कियो 18 वर्ष पार कय चुकल छी से वोटर लिस्टमे अवश्य अपन नाम जोड़बा ली आ मतदानक प्रयोग करी।
