देशक प्रतिभाशाली बच्चाकेँ असाधारण उपलब्धिक सम्मान करय लेल केंद्रीय महिला आ बाल विकास मंत्रालय ‘प्रधानमंत्री राष्ट्रीय बाल पुरस्कार-२०२५’ लेल आवेदन प्रक्रिया शुरू कय देलक अछि। एहि संबंधमे जानकारी दैत एकटा सरकारक प्रवक्ता कहलनि जे इच्छुक आ पात्र बच्चा राष्ट्रीय पुरस्कार पोर्टल https://awards.gov.in पर जा कए 31 जुलाई 2025 तक ऑनलाइन आवेदन कय सकैत अछि।
ई पुरस्कार ओहि बच्चा सभकेँ देल जाइत अछि जकर उम्र 18 साल धरि अछि आ विभिन्न क्षेत्रमे असाधारण साहस, नवीनता आ प्रतिभाक प्रदर्शन कयने अछि। एहि क्षेत्रमे बहादुरी, खेल, सामाजिक विज्ञान, विज्ञान आ तकनीक, पर्यावरणक संग-संग कला आ संस्कृति सेहो शामिल अछि। ई पुरस्कार ओहि बालक-बालिका सभकेँ सम्मानित करैत अछि जे कम उम्रमे देश आ समाज लेल प्रेरणा बनि रहल अछि।
प्रवक्ता कहलनि जे, 26 दिसंबरकेँ ‘राष्ट्रीय वीर बाल दिवस’ केर अवसर पर एहि पुरस्कारक घोषणा कयल जाएत। एकर बाद अगिला साल जनवरीमे एकटा विशेष समारोहक आयोजन कयल जायत, जाहिमे चयनित बच्चा सभकेँ भारतक राष्ट्रपति द्वारा पदक आ प्रमाण पत्रसँ सम्मानित कयल जायत।
पुरस्कारक लेल चयन प्रक्रिया दू चरणमे होयत। पहिल बात जे एकटा स्क्रीनिंग कमेटी प्राप्त आवेदनकेँ छाँटत आओर पात्र उम्मीदवारकेँ शॉर्टलिस्ट करत। एकर बाद अंतिम नामक चयन राष्ट्रीय समिति द्वारा कयल जायत, जाहिमे विभिन्न क्षेत्रक विशेषज्ञ शामिल रहत। मंत्रालयक ई डेग बच्चाककें अपन प्रतिभा आ क्षमताकें बढ़ावा देबाक लेल प्रोत्साहित करय केर उद्देश्यसँ उठाएल गेल अछि। ई पुरस्कार नहि मात्र बच्चा सभक मनोबल बढ़ाबैत अछि बल्कि समाजमे सकारात्मकता आ प्रेरणाक प्रसार सेहो करैत अछि।
