पाकिस्तानक प्रधानमंत्री शहबाज शरीफ बुधकेँ साँझ पंजाब प्रांतक सियालकोट स्थित आर्मी कैंपक दौरा कयलनि आ सैनिक सभसँ भेंट कयलनि। शरीफक ई कार्यक्रम पाकिस्तानी रक्षा बल लेल मनोबल बढ़बय वला भऽ सकैत छल। मुदा स्थान, माहौल आ पृष्ठभूमिक चयन हुनका लेल ‘शर्मनाक आ अपमानजनक’ साबित भेल।
शहबाज शरीफक पाकिस्तानी सैनिक सभक लग पहुँचब आ हुनकर सम्बोधित करबाक माध्यम आ संसारकेँ सन्देश देबय केर तरिकाकेँ ‘भारतीय पीएमक नकल’ केर प्रयासक रूपमे देखल जा रहल अछि। भारतीय प्रधानमंत्री नरेंद्र मोदी जखनि पंजाब एयरबेस पहुँचल छलाह, तँ भारतीय सैन्य शक्तिकेँ मजबूती भेटल। हुनकर सम्बोधनसँ निकलल सन्देश दुनियाँ पर असरि डालने छल, मुदा एही कार्यक्रमक नकल कय पहुँचल शहबाज अपन सेनाकेँ जग हंसाई करा देलनि।
पाकिस्तान ‘ऑपरेशन सिंदूर’सँ भेल हानिकेँ छुपाबयमे पूर्ण रूपसँ विफल रहल ।
भारत 10 मईकेँ भोर पाकिस्तानक कतेको एयरबेस पर हमला कयलक। पाकिस्तान हानिक सच छुपा लेलक आ भारतीय जेट विमानकेँ मारि कय खासाबयकेँ झूठ दावा कएलक। पाकिस्तान भारतीय वायुसेनाक एकटा जवानकेँ पकड़बाक दावा सेहो कएलक, जकरा भारत सरकार नकारि देलक। प्रधानमंत्री नरेंद्र मोदी पंजाब स्थित एयरबेसक दौरा कय पाकिस्तानक दावाकेँ झूठा साबित कएलनि। ई ओ ‘आदमपुर एयरबेस’ अछि जकरा पाकिस्तानी सेना द्वारा नष्ट करबाक दावा कयल जा रहल छल। प्रधानमंत्री मंगलदिन आदमपुर एयरबेसक दौरा कएलनि आ भारतक प्रसिद्ध वायु रक्षा प्रणाली आ लड़ाकू विमानक पृष्ठभूमिमे सैनिक सबसँ भेंट कएलनि। ओतय शहबाज शरीफ अपन सैनिक सब संग सुनसान जगह पर बातचीत कएलनि, जतय किछु टैंक आ विमान दूर ठाढ़ छल। दुनू देशक पीएमओ अपन-अपन प्रधानमंत्रीकेँ सैनिक सभकेँ संबोधित कएल तस्वीर साझा कएलक अछि, जाहिसँ ई साबित होइत अछि जे भारतीय सेना पाकिस्तानक पैघ पैमाना पर हानि पहुँचौने अछि। ओकर एयरबेस आ एयरफील्डकेँ सेहो भारी हानि भेल अछि।
पाकिस्तानक पीएमओ शहबाज शरीफक सैनिक सभ संग फोटो साझा कएलक, मुदा कोनो हवाई पट्टी वा रनवेकेँ दृश्य नहि अछि, जे संकेत करैत अछि जे भारतीय आक्रमणमे ओकर हवाई क्षेत्रकेँ भारी नुकसान भेल अछि। एकमात्र प्रमुख चित्र शहबाज शरीफक अछि, जे सुनसान मैदानमे सेनाक टैंक पर ठाढ़ भऽ सैनिक सभकेँ संबोधित कय रहल छथि। शरीफकेँ पाकिस्तानी जवान सभसँ भेंटक सोशल मीडिया उपयोगकर्ता सभ जमिकय मजाक उड़ौने छथि। उपयोगकर्ता शहबाजकेँ नकलची बताबैत कहि रहल छथि जे ई भारतक शैली अछि।
