प्रधानमंत्री नरेन्द्र मोदी बुध दिन महात्मा गाँधी आ लाल बहादुर शास्त्रीक जयंती पर श्रद्धांजलि अर्पित कयलनि।
बुधकेँ महात्मा गाँधीक १५५म जयंती छल। प्रधानमंत्री नरेन्द्र मोदी भोरे राजघाट पर हुनका पुष्पांजलि अर्पित कयलनि। प्रधानमंत्री मोदी एक्स पर एकटा पोस्टमे सेहो महात्मा गाँधीकेँ हार्दिक श्रद्धांजलि अर्पित कयलनि आ सत्य, सद्भाव आ समानता पर आधारित बापूक जीवन आ आदर्शक स्थायी प्रभावपर जोर देलनि। ओ कहलनि जे ई सिद्धान्त देशक जनताकेँ प्रेरित करैत अछि। प्रधानमंत्री मोदी सोशल मीडिया हैंडल पर कहलनि, “सब देशवासीक तरफसँ हम आदरणीय बापूक जयंती पर नमन करैत छी। सत्य, सद्भाव आ समानता पर आधारित हुनक जीवन आ आदर्श देशवासीक लेल सदैव प्रेरणास्रोत बनल रहत।”
प्रधानमंत्री नरेन्द्र मोदी विजय घाट पर लाल बहादुर शास्त्रीक जयंती पर हुनका पुष्पांजलि अर्पित कयलनि। प्रधानमंत्री नरेन्द्र मोदी पूर्व प्रधानमंत्री लाल बहादुर शास्त्रीक जयंती पर श्रद्धांजलि देलनि आ एक्स पर कहलनि, “देशक जवान, किसान आ स्वाभिमानक लेल अपन जीवन समर्पित करयवाला पूर्व प्रधानमंत्री लाल बहादुर शास्त्रीकेँ हुनक जयंती पर आदरपूर्ण श्रद्धांजलि।”
