चीनक प्रमुख अखबार ग्लोबल टाइम्स फूडन यूनिवर्सिटी शंघाईक सेंटर फॉर साउथ एशियन स्टडीजक निदेशक जिया डोंगक एकटा लेख प्रकाशित कयलक अछि। ई पछिला ४ सालमे भारतक शानदार विकासक जानकारी दैत अछि। एहन मानल जाइत अछि जे पीएम मोदीक नेतृत्वमे नहिं केवल भारतक आर्थिक विकासमे तेजी आयल अछि, अपितु भारत विदेश नीतिक मामिलामे सेहो पैघ उपलब्धि प्राप्त कयलक अछि।
ग्लोबल टाइम्सक लेख प्रधानमंत्री नरेन्द्र मोदीक नेतृत्वमे आर्थिक, सामाजिक शासन आ विदेश नीति क्षेत्रमे भारतक महत्वपूर्ण प्रगतिक प्रशंसा कयलक। कहल जाइत अछि जे भारत आब विकसित भारतक निर्माणक लेल रणनीतिक रूपसँ बेसी सक्रिय भऽ गेल अछि। ग्लोबल टाइम्स भारतक मजबूत आर्थिक विकास, बेहतर शहरी शासन आ अंतर्राष्ट्रीय संबंधमे बदलल दृष्टिकोण, विशेष रूपसँ चीनक सङ्ग बदलल दृष्टिकोण स्वीकार करैत अछि।
राइटर लिखलक “उदाहरणक लेल, चीन आ भारतक बीच व्यापार असंतुलन कम करबाक प्रयास चलि रहल अछि। चीन सेहो एहि पर विशेष ध्यान दऽ रहल अछि। मुदा भारत अपन निर्यात क्षमता पर बेसी ध्यान दऽ रहल अछि।
ग्लोबल टाइम्समे प्रकाशित एकटा लेखमे कहल गेल अछि जे भारत आब विकसित होयबाक मार्गपर अछि आ बेसी सक्रिय रूपसँ आगू बढ़ि रहल अछि। २ जनवरीकेँ प्रकाशित लेखमे कहल गेल अछि जे राजनीतिक आ सांस्कृतिक क्षेत्रमे भारत पश्चिमी देशसभक सङ्ग लोकतांत्रिक सहमति देबासँ आगू बढ़ि गेल। आब भारत लोकतांत्रिक राजनीतिमे भारतीय गुण देखयबाक प्रयास कऽ रहल अछि। लोकतांत्रिक राजनीतिमे भारतीयता पर बेसी जोर देल जा रहल अछि। लेखक जोर देलनि जे ई बदलाव भारतक ऐतिहासिक औपनिवेशिक छायासँ बचबाक प्रयास अछि। संगहि संग राजनीतिक आ सांस्कृतिक रूपसँ विश्व गुरु बनबाक महत्वाकांक्षाकेँ सेहो देखबैत अछि।
