फिलीपींसक राष्ट्रपति राष्ट्रपति फर्डिनेंड आर. मार्कोस जूनियर २२ अप्रैलकेँ पहलगाममे आतंकी हमलाक निंदा कयलनि। ओ आतंकवादक खिलाफ भारतक संग ठाढ़ होबय केर प्रतिबद्धता सेहो जतौलनि। ओ कहलनि जे, हम आतंकवादक खिलाफ व्यापक लड़ाईमे भारतक संग हमर एकजुटताक संदेश लऽ कऽ आयल छी।
फिलीपींसक राष्ट्रपति राष्ट्रपति फर्डिनेंड आर. मार्कोस जूनियर संयुक्त प्रेस कॉन्फ्रेंसकेँ संबोधित करैत कहलनि कि, “हम एहि सालक शुरुआतमे पहलगाममे कयल गेल दुखद हमला आ आतंकवादक खिलाफ व्यापक लड़ाईमे भारतक संग हमर एकजुटताक संदेश लऽ कऽ आयल छी।”
पीएम मोदी आतंकवादक खिलाफ समर्थन व्यक्त करय लेल राष्ट्रपति मार्कोस केर आभार व्यक्त कयलनि। पीएम मोदी कहलनि, “हम फिलीपींस सरकार आ राष्ट्रपतिक प्रति आभार व्यक्त करैत छी कि ओ पहलगाम आतंकी हमलाक कड़ा निंदा कयलनि आ आतंकवादक खिलाफ हमर लड़ाईमे हमरा संग ठाढ़ छथि। बताबी जे फिलीपींसक राष्ट्रपति पांच दिनक भारत यात्रा पर छथि।
फिलीपींसक राष्ट्रपति फर्डिनेंड आर. मार्कोस जूनियरक मंगलदिन राष्ट्रपति भवनमे औपचारिक स्वागत कयल गेल। एकर बाद ओ कहलनि कि ई राज्य यात्रा भारत आ फिलीपींस केर बीच बढ़ैत साझेदारीक पुष्टि करैत अछि। प्रधानमंत्री नरेंद्र मोदीक आमंत्रण पर फिलीपींसक राष्ट्रपति सोमदिन भारतक पांच दिनक राजकीय यात्रा पर नई दिल्ली पहुंचलथि।
