जनसुराज पार्टीक संस्थापक प्रशांत किशोर तेजस्वी यादव, राहुल गांधी आ सीएम नीतीश कुमारकेँ कड़ा निशाना बनौलनि अछि। ओ कहलनि जे, राहुल गांधी दिल्लीमे बिहारी पर हँसैत छथि आ एतय ज्ञान दैत छथि।
बिहारमे एहि सालक अंतमे विधानसभा चुनाव होबय जा रहल अछि। एहेन स्थितिमे प्रशांत किशोरक जनसुराज पार्टी बिहारमे जोरदार प्रचार कय रहल अछि। 25 जूनकेँ चुनाव आयोग आगामी चुनाव लेल जनसुराज लेल ‘स्कूल बैग’ चुनाव चिन्ह आवंटित कयलक।
बताबी जे जनसुराजक सब 243 उम्मीदवार एहि चुनाव चिन्ह पर चुनाव लड़ताह। एहि बीच प्रशांत किशोर राहुल गांधी, पीएम नरेंद्र मोदी, सीएम नीतीश कुमार, तेजस्वी यादव सभ पर कड़गड़ निशाना बनेलनि अछि।
प्रशांत किशोर सीएम नीतीश कुमारकेँ निशाना बनाबैत कहलनि जे नीतीश कुमारक आगमनक बाद इ धारणा बनल जे ओ पढ़ल-लिखल व्यक्ति छथि आ ओ शिक्षाक क्षेत्रमे सुधार अनने छथि। मुदा जमीनी यथार्थ इ अछि जे आइ बिहारमे शिक्षाक स्थिति लालू यादवक शासनसँ बेसी खराब अछि। कांग्रेस नेता राहुल गांधीकेँ निशाना बनबैत प्रशांत किशोर कहलनि जे जँ राहुल गांधी अपन पूरा जीवनमे बिहारक कोनो गाममे एक राति रुकल छथि तऽ बताउ। अहाँ दिल्लीमे बैसि बिहारीक नाम पर हंसैत छी आ एतय आबि कऽ सलाह दिअ।”
प्रशांत किशोर पीएम मोदीकेँ निशाना बनबैत कहलनि जे हम 2014 केर लोकसभा चुनावमे पीएम मोदीक भाषण लिखने छी। मोतिहारीमे पीएम मोदी कहने छलाह जे एहि चीनी मिलमे बनल चीनीसँ बनल चाह पीलाक बाद ओ बिहार वापस एताह। मोतिहारी चीनी मिलक एक-एकटा जमीन बँटि कऽ बिका गेल। ओहि जमीनकेँ खरीदनिहार आधासँ बेसी लोक भाजपाक सदस्य छथि।मोदी गुजरात जाइत छथि तऽ गिफ्ट सिटी आ सोलर पार्कक बात करैत छथि। मुदा अहां बिहार आबि कय कहब जे अहांकेँ 4 किलो अनाज देल जा रहल अछि। अहांकेँ सेहो बिहारक लोककेँ बताबय केर चाही जे अहांक इलाकामे इ इंडस्ट्री कहिया होएत। अहाँक मोने बिहारीकेँ की चाही ? 4 किलो अनाज दैत रहू।
प्रशांत किशोर तेजस्वी यादवकेँ निशाना बनाबैत बजलनि, “तेजश्वी यादव लालू यादवक बेटा छथि। ओ ओहि पद पर अपन सक्षमतासँ नहि छथि किएक तँ ओ किछु हासिल नहि कयलनि। ओ एहि लेल छथि जे ओ लालूजीक बेटा छथि।
ऑपरेशन सिंदूरक संबंधमे प्रशांत किशोर कहलनि जे देशक जनता नहि चाहैत अछि जे ऑपरेशन सिंदूर बंद भऽ जाए। मुदा ऑपरेशन सिंदूरकेँ जाहि तरहे रोकल गेल ओहिसँ भाजपाकेँ राजनीतिक नुकसान होएत।
