एमएलसी संजय सिंह काल्हि कहलनि जे नीतीश कुमार प्रशांतकेँ पार्टीक उपाध्यक्ष बनेलनि। अपन घरमे रखलनि, मुदा प्रशांत कहैत छथि नीतीश कुमार मानसिक रूपसँ बीमार छथि, आँखिमे पानि राखथि।
जहियासँ प्रशांत किशोर राजनीतिमे आयल छथि तहियासँ सीएम नीतीश आ एनडीए पर हमला कय रहल छथि। ओ लगातार सरकारकेँ निशाना बना कय मुख्यमंत्रीकेँ बीमार सीएम कहैत छथि। जदयू हुनकर बयान पर जवाबी कार्यवाही कयलक अछि। जदयू नेता आ एमएलसी संजय सिंह कहलनि अछि जे प्रशांत किशोर नेता नहि डीलर छथि। इवेंट मैनेजमेंटमे मास्टर छथि।
एमएलसी संजय सिंह इहो कहलनि, जखनि नीतीश कुमार प्रशांत किशोरकेँ डिप्टी सीएम नहिं बनौलथि तखनि ओ चलि गेलाह। प्रशांत किशोर प्रधानमंत्री मोदी, ममता बनर्जी, जगन रेड्डीकेँ ठकलाह आ फेर बिहार आबि गेलाह। प्रशांत किशोर कहैत छथि जे हम नीतीश कुमारकेँ सीएम बनेलहुं, 2005-2010 मे ओ कतय छलाह, जखनि नीतीश कुमार सीएम बनलाह। नीतीश कुमारक चेहरा पर वोट भेटैत अछि, ओ रणनीतिकार छलाह, वोट नहि दियाबैत छलथि।
जदयू नेता आ मंत्री अशोक चौधरी विवाद पर संजय सिंह कहलनि जे, प्रशांत किशोर हमर पार्टीक नेता आ मंत्री अशोक चौधरी पर अपन बेटीक लेल टिकट किनबाक आरोप लगबैत छथि। अशोक चौधरीमे मात्र एकटा दोष अछि जे हुनकर जन्म महादलित परिवारमे भेल। अशोक चौधरीक बेटी पढ़ल-लिखल छथि। जँ टिकट किनल गेल अछि तँ प्रशांत किशोर बेचनिहारसँ किएक नहि पुछैत छथि।
संजय सिंह कहलनि जे, जौं प्रशांत किशोरमे हिम्मत अछि तँ हुनका सुप्रीम कोर्टमे जेबाक चाही, कियाकि ओ सार्वजनिक तौर पर कहने छथि जे हुनका लग टिकट खरीदबाक सबूत अछि। आगामी दिनमे प्रशांत किशोरकेँ उचित जवाब देल जायत।
