प्रधानमंत्री नरेंद्र मोदीकेँ सोमदिन साइप्रसक सर्वोच्च नागरिक पुरस्कारससँ सम्मानित कयल गेलनि। भारतीय प्रधानमंत्रीकेँ साइप्रस केर राष्ट्रपति निकोस क्रिस्टोडौलिड्स‘ग्रांड क्रॉस आफ द ऑर्डर आफ मकारिओस तृतीय’सँ सम्मानित कयलनि। पीएम मोदी साइप्रस केर सर्वोच्च नागरिक पुरस्कार देशक जनताकेँ समर्पित कयलनि। ओ कहलनि, “हम अहाँ (साइप्रसक राष्ट्रपति), साइप्रस सरकार आ साइप्रसक जनताकेँ बधाई दैत छी जे हमरा ऑर्डर ऑफ मकारिओस तृतीयक ग्रांड क्रॉस प्रदान कयलौंह। ई सम्मान सिर्फ हमर नै अछि, ई 140 करोड़ भारतीयक सम्मान अछि। हुनकर क्षमता आ आकांक्षाक सम्मान अछि। ई हमर देशक सांस्कृतिक भाईचारा आ “वसुधैव कुटुम्बकम” केर विचारधाराक सम्मान अछि। हम ई पुरस्कार भारत आ साइप्रसक बीच महत्वपूर्ण संबंधक लेल समर्पित करैत छी, हमर सबहक साझा मूल्यक लेल हम सब भारतीयक तरफसँ एहि सम्मानकेँ अत्यंत विनम्रता आ कृतज्ञताक संग स्वीकार करैत छी।
पीएम मोदी आगू कहलनि, ई सम्मान हमर लोककेँ शांति, सुरक्षा, संप्रभुता, क्षेत्रीय अखंडता आ समृद्धिक प्रति हमर अटूट प्रतिबद्धताक प्रतीक अछि। हम एहि सम्मानकेँ भारत आ साइप्रसक बीच संबंधक प्रति जिम्मेदारी मानैत छी आ हम एकरा ओहि भावनासँ स्वीकार करैत छी।
ओ कहलनि, हमरा विश्वास अछि जे आगामी समयमे हमर सबहक सक्रिय साझेदारी नव ऊँचाईकेँ छूअत। हम सब मिलकेँ अपन देशक विकास केर मजबूत तऽ करबे करब, संगहि शांतिपूर्ण आ सुरक्षित वैश्विक वातावरणक निर्माणमे सेहो योगदान देब।
साइप्रस केर सर्वोच्च सम्मान मिलला पर पीएम मोदी सोशल मीडिया प्लेटफॉर्म एक्स पर लिखलनि, “साइप्रस केर ‘ग्रांड क्रॉस आफ द ऑर्डर आफ मकारिओस तृतीय’ केर सम्मानसँ हमरा बहुत खुशी भऽ रहल अछि। हम ई बातकेँ अपन देशक बीच दोस्तीकेँ समर्पित करैत छी।
एहिसँ पहिने श्रीलंका प्रधानमंत्री नरेंद्र मोदीकेँ देशक सर्वोच्च सम्मान ‘मित्र विभूषण’सँ सम्मानित कयने छलैक। हुनका ई सम्मान राष्ट्रपति अनुरा कुमार द्वारा देल गेल छलनि।
