प्रधानमंत्री नरेन्द्र मोदी सोमदिन प्रधानमन्त्रीक पदभार सम्हारलनि। तेसर बेर प्रधानमंत्रीक शपथ लेलाक बाद ओ अन्नदातासभक सम्बन्धमे एकटा पैघ निर्णय लेलनि।
प्रधानमंत्री मोदी अपन पहिल फाइलपर हस्ताक्षर कयलनि आ किसानसभकेँ उपहार देलनि। ओ पहिल आधिकारिक कृति ‘पीएम किसान सम्मान निधि’क १७म किस्त जारी कयलनि। एहिसँ ९•३ करोड़ किसान लाभान्वित होयत आ लगभग २०,००० करोड़ टाका वितरित कयल जायत। प्रधानमंत्री मोदीक एहि निर्णय पर केन्द्रीय मंत्री राजनाथ सिंह, अमित शाह, नितिन गडकरी सहित कतेको मंत्री प्रतिक्रिया देलनि अछि।
केन्द्रीय मंत्री राजनाथ सिंह सोशल मीडिया प्लेटफॉर्म एक्स पर लिखलनि, “किसान कल्याणक प्रति हमर प्रधानमंत्री नरेन्द्र मोदीक प्रतिबद्धता सर्वविदित अछि। तेसर बेर प्रधानमंत्रीक शपथ लेलाक बाद ओ किसानक हितमे पहिल निर्णय लेलनि। प्रधानमंत्री नरेन्द्र मोदी आइ ‘पीएम किसान सम्मान निधि’क १७म किस्त जारी कयलनि, जकर फलस्वरूप देशक किसानक बैंक खातामे २०,००० करोड़ टाका सीधा पहुंच गेल अछि। हम एहि किसान हितैषी निर्णयक लेल नरेंद्र मोदीकेँ धन्यवाद दैत छी।”
केंद्रीय मंत्री अमित शाह एक्स पर लिखलनि, “मोदी ३.०क पहिल दिन किसानसभकेँ समर्पित अछि, आइ प्रधानमंत्री मोदी ‘पीएम किसान सम्मान निधि’क १७म किस्त जारी कयलनि आ २०,००० करोड़ वितरित कयलनि, जाहिसँ लगभग ९.३ करोड़ किसानकेँ लाभ होयत। एहि योजनाक एखन धरि १६ किस्तमे १२ करोड़ ३३ लाखसँ बेसी लाभार्थीकेँ ३ लाख करोड़सँ बेसी सीधा डीबीटीसँ वितरित कयल जा चुकल अछि। एहि निर्णयसँ पता चलैत अछि जे एनडीए सरकारक लेल किसानक हित सर्वोच्च प्राथमिकतासभमे सँ एक अछि। हम देशक करोड़ो किसानक तरफसँ एहि कल्याणकारी निर्णय लेल पीएम मोदीकेँ धन्यवाद दैत छी।”
केंद्रीय मंत्री नितिन गडकरी एक्स पर लिखलनि जे तेसर कार्यकाल ‘किसान सम्मान’सँ शुरू भेल! प्रधानमंत्री नरेन्द्र मोदी आइ ‘पीएम किसान सम्मान निधि’क १७म किस्त जारी कयलनि। एकर अन्तर्गत आइ २०,००० करोड़ वितरित कयल गेल अछि, एकर फायदा लगभग ९.३ करोड़ किसानकेँ होएत। ‘किसान सम्मान निधि’ योजनासँ एखन धरि १२ करोड़ ३३ लाखसँ बेसी किसान लाभान्वित भऽ चुकल छथि। एखन धरि एहि योजनाक अन्तर्गत डीबीटीक माध्यमसँ १६ किश्तमे सीधा ३ लाख करोड़ टाकासँ बेसी वितरित कयल जा चुकल अछि, जे किसानक लेल वरदान साबित भऽ रहल अछि। ई महत्वपूर्ण निर्णय किसानक प्रति एनडीए सरकारक प्रतिबद्धताकेँ देखबैत अछि। किसानक हितमे लेल गेल एहि निर्णयक लेल हम प्रधानमंत्रीकेँ धन्यवाद दैत छी।
केंद्रीय मंत्री ज्योतिरादित्य सिंधिया लिखलनि, “अन्नदाता देवो भवः। किसानक हित हमरा लेल सर्वोपरि अछि। प्रधानमंत्री मोदी द्वारा अपन तेसर कार्यकालक पहिल दिन ९.३० करोड़ किसानक लेल २०,००० करोड़ टाकाक किसान सम्मान निधि जारी रखबाक निर्णय एकर जीवन्त प्रमाण अछि। ई निर्णय ‘विकसित भारत’क चारि स्तम्भ – किसान, महिला, गरीब आ युवाक उत्थानक लेल प्रतिबद्ध सरकारक दृढ़ संकल्पक मात्र एकटा झलक अछि।
उत्तर प्रदेशक मुख्यमंत्री योगी आदित्यनाथ लिखलनि, “सभ किसानकेँ हार्दिक बधाई! तेसर कार्यकालक पहिल दिनक पहिल निर्णय किसानक कल्याण लेल समर्पित! प्रधानमंत्री नरेन्द्र मोदी आइ कार्यभार सम्हारिते ‘पीएम किसान सम्मान निधि’क १७म किस्त जारी करबाक फाइलपर हस्ताक्षर कऽ देने छथि। एहि निर्णयसँ लाभान्वित ९.३ करोड़ किसानक बैंक खातामे लगभग २०,००० करोड़ टाकाक राशि हस्तांतरित कयल जायत। किसानसभकेँ आर्थिक सहायता प्रदान करयवला एहि कल्याणकारी निर्णयक लेल उत्तर प्रदेशक सभ किसान भाइ-बहिनक तरफसँ प्रधानमंत्रीक हार्दिक आभार।
उत्तराखंडक मुख्यमंत्री पुष्कर सिंह धामी लिखलनि, “कर्तव्य पथ पर कर्मयोगी !” तेसर बेर प्रधानमंत्रीक शपथ लेलाक बाद प्रधानमंत्री मोदी पीएम किसान सम्मान निधिक १७म किस्त जारी कयलनि। एकर माध्यमसँ देशक ९ करोड़सँ बेसी किसान लाभान्वित होएत। किसान कल्याणक प्रति प्रधानमंत्रीक प्रतिबद्धता हमरा सबके लेल प्रेरणा अछि।”
