प्रधानमंत्री नरेंद्र मोदी 22-23 अप्रैलकेँ सउदी अरबक दौरा पर रहताह। हुनका एहि यात्राक निमंत्रण क्राउन प्रिंस आ प्रधानमंत्री मोहम्मद बिन सलमान देलन्हि अछि। 2016 आ 2019 केर बाद ई पीएम मोदी केर सउदी अरबख तेसर यात्रा होयत।
2023 मे सउदी अरब केर क्राउन प्रिंस नई दिल्ली केर राजकीय यात्रा पर आएल छलाह। हुनका जी20 शिखर सम्मेलनमे भाग लेनाई छल आ भारत-सउदी अरब रणनीतिक साझेदारी परिषद केर पहिल बैठक केर सह-अध्यक्षता कयलन्हि। भारत आ सउदी अरब केर बीच घनिष्ठ आ मैत्रीपूर्ण संबंध अछि। दुनू देश केर बीच सामाजिक-सांस्कृतिक आ व्यापारिक संपर्क केर लंबा इतिहास अछि।
रणनीतिक साझेदारक रूपमे, नई दिल्ली आ रियाद राजनीतिक, रक्षा, सुरक्षा, व्यापार, निवेश, ऊर्जा, टेक्नोलॉजी, स्वास्थ्य, शिक्षा, संस्कृति आ लोकक बीच संपर्क सहित विभिन्न क्षेत्रमे मजबूत द्विपक्षीय संबंध साझा करैत अछि। प्रधानमंत्री केर ई यात्रा भारत केर तरफसँ सउदी अरब केर द्विपक्षीय संबंध सभ पर देल गेल महत्वकेँ दर्शाबैत अछि।
ई दुनू देशक बहुआयामी साझेदारीकेँ आर गहिंर आ मजबूत बनेबाक संग-संग आपसी हितक विभिन्न क्षेत्रीय आ अंतर्राष्ट्रीय मुद्दा पर विचार-विमर्श करबाक अवसर प्रदान करत। प्रधानमन्त्रीक आगामी यात्रा एहेन समयमे भऽ रहल अछि जखनि ईरान आ अमेरिका अप्रत्यक्ष परमाणु वार्ता क’ रहल अछि।
प्रधानमन्त्री मोदीक ई यात्रा आगाँ अगिला महिनाक अमेरिकी राष्ट्रपति डोनाल्ड ट्रंपक सऊदी अरब यात्रासँ पहिने भऽ रहल अछि। भारत आ सऊदी अरबक बीच 1947 मे राजनयिक संबंध स्थापित भेल। 2010 मे द्विपक्षीय संबंधकेँ रणनीतिक साझेदारीमे बदलि देल गेल।
