पीएम मोदी नेपालक नव पीएमकेँ देलनि बधाई, कैबिनेट सदस्यक नाम घोषित

नई दिल्ली। समदिया

पीएम नरेन्द्र मोदी नेपालक नव प्रधानमंत्री बालेन्द्र शाहकेँ शपथ ग्रहण समारोहक अवसर पर बधाई देलनि अछि। एकर अलावा आरएसपीक नव सरकारक मंत्रिमंडलमे शामिल होय वला मंत्रीक नामक घोषणा कय देलक अछि।

राष्ट्रिय स्वतंत्र पार्टी (आरएसपी) केर नेता बलेन्द्र शाह, जिनका बलेन शाहक नामसँ सेहो जानल जायत अछि, नेपालक नव प्रधानमंत्रीक रूपमे पदक गोपनीयताक शपथ लेलनि अछि। महज 35 सालक उम्रमे जेन-जेड केर ई नेता शाह एकटा उल्लेखनीय मीलक पत्थर हासिल कयलनि अछि। एहि अवसर पर भारतक प्रधानमंत्री नरेंद्र मोदी पीएम शाहकेँ बधाई देलनि। सोशल मीडिया प्लेटफॉर्म ‘एक्स’ पर बालेन शाहकेँ बधाई दैत पीएम मोदी लिखलनि जे, “नेपालक प्रधानमंत्रीक रूपमे शपथ लेला पर बलेन्द्र शाहकेँ हार्दिक बधाई। अहाँक नियुक्ति नेपालक जनता द्वारा अहाँक नेतृत्व पर जे विश्वास देल गेल अछि ओकरा दर्शाबैत अछि। हम अहाँ सभक संग मिलिकय भारत आ नेपालक बीच दोस्ती आ सहयोगकेँ आओर बेसी ऊँचाई पर पहुंचेबाक लेल उत्सुक छी।” बलेन्द्र शाह नेपालक प्रधानमंत्रीक पद ग्रहण कयलाक बाद आरएसपी द्वारा अनेको मंत्रिक नामकेँ अन्तिम रुप देल गेल अछि। सूत्रक हवाला दैत नेपाली मिडिया कहलक जे उपप्रधानमंत्री आ वित्त मंत्रीक तौर पर स्वर्णिम वागले जिम्मेदारी संभालताह। एकर अलावा, शिशिर खनलकेँ विदेश मंत्री, बिराज भक्त श्रेष्ठकेँ ऊर्जा मंत्री आ सुदान गुरुंगकेँ गृह मंत्रीक तौर पर जिम्मेदारी देल जायत। एकर अलावा प्रतिभा रावलकेँ जनरल एडमिनिस्ट्रेशन मंत्री बनाओल जायत। अमरेश सिंह औद्योगिक मंत्रालय, सोबिता गौतम कानून मंत्रालय, निशा मेहता स्वास्थ्य आ पेयजल मंत्रालय, सुनील लमसल भौतिक अवसंरचना मंत्रालय, सीता बादी महिला आ बाल कल्याण मंत्रालय, सस्मीत पोखरेल शिक्षा, विज्ञान आ तकनीकी मंत्रालयक जिम्मेदारी संभालताह। बिक्रम तिमिलसिना संचार आ सूचना मंत्री आओर महोत्तरीक दीपक शाह श्रम मंत्री रहताह।