प्रधानमंत्री नरेंद्र मोदी बुधदिन राष्ट्रीय राजधानी दिल्लीमे कर्तव्य पथ पर बनल ‘कर्त्तव्य भवन’ केर उद्घाटन कयलनि। ओ सोशल मीडिया प्लेटफॉर्म ‘एक्स’ पर ‘कर्त्तव्य भवन’सँ जुड़ल किछु तस्वीर शेयर कयलनि। ओ एहि अत्याधुनिक बुनियादी ढांचाकेँ देशक विकास आ लोक सेवाक प्रति सरकारक प्रतिबद्धताक प्रतीक बतेलनि।
पीएम मोदी ई फोटो ‘एक्स’ पर शेयर कय लिखलनि, “‘कर्त्तव्य भवन” हमर अटूट संकल्प आ जनताक सेवाक प्रति लगातार प्रयासक प्रतीक अछि। ई नहि सिर्फ हमर नीति आ योजनाकेँ तेजीसँ जनता धरि पहुँचाबयमे मददि करत, बल्कि एहीसँ देश केर विकासकेँ एकटा नव गति भेटत। हमरा एही भवनकेँ समर्पित करय पर बहुत गर्व अछि। अत्याधुनिक इंफ्रास्ट्रक्चरक मिसाल बनल एहि भवनकेँ राष्ट्रकेँ समर्पित करैत बहुत गौरवान्वित छी।
एकटा आओर पोस्टमे प्रधानमंत्री ‘कर्त्तव्य भवन’ केर निर्माणमे लागल श्रमयोगीक प्रशंसा कयलनि। एक्स पर ओ लिखलनि, “कर्त्तव्य भवन” एकटा विकसित आ आत्मनिर्भर भारतक निर्माण लेल हमर प्रतिबद्धताकेँ दर्शाबैत अछि। आय देश एकर निर्माण करयवला हमर श्रमयोगीक अथक मेहनत आ दृढ़ संकल्पक साक्षी बनल अछि। हम हुनकासँ बातचीत कय अत्यंत ख़ुशी छी।”
एहि दौरान प्रधानमंत्री मोदी पर्यावरण संरक्षणक प्रति सरकारक प्रतिबद्धताकेँ रेखांकित कयलनि। ‘कर्त्तव्य भवन’मे एकटा पौधा रोपलनि। पीएम मोदी लिखने छथि, कर्त्तव्य भवनक निर्माणमे पर्यावरण संरक्षणक ध्यान राखल गेल अछि, जाहि लेल हमर देश प्रतिबद्ध अछि। आइ हमरा एकर प्रांगणमे एकटा पौधा रोपबाक मौका सेहो भेटल।” कर्त्तव्य भवन-3’ केंद्रीय विस्टा पुनर्विकास परियोजनाक हिस्सा अछि।
