इजरायल आ ईरानक बीच जारी संघर्ष दोसर सप्ताहमे प्रवेश कय गेल अछि। स्विट्जरलैंड केर जिनेवामे ईरान आ यूरोपीय देशक बीच युद्धविराम लेल कयल गेल बातचीतक कोनो परिणाम नहिं भेटल अछि। इजरायल कहलक कि ओ एगो लम्बा सैन्य अभियान लेल अछि। दुनू पक्षक बीच लगातार हमलाक बीच अमेरिका सेहो खुलि कय युद्धमे कूदि गेल अछि। अमेरिका ईरान केर तीन परमाणु केंद्र पर सफल हमलाक दावा कयलक। अमेरिकी राष्ट्रपति ट्रंप एकरा ऐतिहासिक क्षण कहलनि। पुनः इजरायलक कतेको ठिकाना पर ईरान दिसिसँ मिसाइल दागल गेल।
जनतब जे पश्चिम एशिया केर स्थितिकेँ देखैत पीएम नरेंद्र मोदी ईरानी राष्ट्रपति मसूद पेशेशकियनसँ बात कयलनि। पीएम मोदी ट्विटर पर लिखलनि, ओ ईरानक राष्ट्रपतिसँ बात कयलनि। वर्तमान स्थिति पर विस्तारसँ चर्चा कयलहुँ। हालमे बढ़ल तनाव पर गहींर चिंता व्यक्त कयलनि। आगू बढ़य लेल तत्काल डी-एस्केलेशन, संवाद आ कूटनीतिक आह्वान दोहरैलनि आ क्षेत्रीय शांति, सुरक्षा आ स्थिरताककेँ जल्दी बहाल करय केर मांग कयलनि।
