प्रधानमंत्री नरेन्द्र मोदी बुधदिन प्रयागराज कुम्भ मेलामे पहुँचलाह आ त्रिवेणी संगममे आस्थाकेँ डुबकी लगेलाह। डुबकी लगेलाक बाद पीएम मोदी गंगा पूजा केलनि। पंडित राजेश कुमार तिवारी (आचार्य तीर्थ पुरोहित, प्रयागराज) बतौलनि जे प्रधानमंत्री नरेन्द्र मोदी आइ संगमक त्रिवेणी घाट पर स्नान कयलनि। ओ ११टा डुबकी लगओलनि आ १०८ मंत्रक जाप कयलनि। दृश्य बहूत अद्भुत छल। प्रधानमंत्री मोदी देश आ जनकल्याणक लेल प्रार्थना कयलनि। एहि अवसर पर मुख्यमंत्री योगी सेहो हुनका संग छलाह। पीएम मोदी हमरे संग पूजा केलखिन। पीएम मोदीक आगमनक कारण केकरो कोनो असुविधा या परेशानीक सामना नहि करय पड़ल। त्रिवेणी संगममे पीएम मोदी स्नान आ पूजा कयलनि। एहि पूरा समय स्नान चलैत रहल। आइ अष्टमीक दिन अछि। पीएम मोदी २०१९मे सेहो एतय आयल छलाह आ तखन सेहो अष्टमीक दिन छल।
प्रधानमंत्री नरेन्द्र मोदीक स्वभाव हुनका आन सभ नेतासँ अलग करैत अछि। एतेक ऊँच पद पर रहलाक बादो ओ एतय गंगामे डुबकी लगेबाक लेल अयलाह। ओ सनातन धर्मक उन्नति लेल प्रार्थना कयलनि। ओ अपन संग किछु वस्तु अनलनि जकरा ओ गंगामे विसर्जित कयलनि, जाहिमे फल, दही आ कतेको आन वस्तु सम्मिलित अछि।
स्थानीय निवासी रामसकल तिवारी कहलनि जे पीएम मोदी आ सीएम योगी महाकुंभ मे शामिल भेलाह। ओ सभ डुबकी लगओलनि आ अनुष्ठान कयलनि। एतय एकटा पैघ सभा उपस्थित छल आ ओ निकलबासँ पहिने सभकेँ सम्बोधित कयलनि।
ओ उल्लेख कयलनि जे महाकुम्भक भव्य पाबनि चलि रहल अछि। तेँ पीएम मोदी एतय आबि डुबकी लगौलाह आ चलि गेलाह। हुनकर आगमनक कारण केकरो कोनो असुविधाक सामना नहि करय पड़लनि। स्नान बहुत शान्तिपूर्वक कयल गेल। तिवारी पीएम मोदी आ सीएम योगी दुनूक प्रशंसा करैत कहलनि जे दुनू गोटे नीक छथि।
