भारत आ पाकिस्तानक सेनाक बीच दोसर महत्वपूर्ण बैसार भेल। जम्मू-कश्मीर केर पुंछ जिलामे एलओसी पर फ्लैग मीटिंग कएल गेल, जाहिमे सीमा प्रबंधन संबंधी मुद्दा सभ पर चर्चा कएल गेल।
भारत आ पाकिस्तानक सेनाक 10 अप्रैल बृहस्पतिकेँ जम्मू-कश्मीर केर पुंछ जिलामे नियंत्रण रेखा (एलओसी) पर ब्रिगेड कमांडर स्तरक फ्लैग मीटिंग कएल गेल। एहिमे सीमा प्रबंधन संबंधी मुद्दा पर चर्चा कएल गेल। एहि महिना दूनू पक्षक बीच ई दोसरा एहेन बैठक अछि। अधिकारी सभ बतौलनि कि ई बैसार चकन-दा-बाग क्रॉस-पॉइंट पर भेल।
एहि बैसारक नेतृत्व दूनू पक्षक ब्रिगेडियर स्तरक अधिकारी सभकें द्वारा कएल गेल। रक्षा प्रवक्ता कहलनि कि फ्लैग मीटिंग दूनू पक्षक बीच डीजीएमओ केर समझ अनुसार नियमित एलओसी आ सीमा प्रबंधन प्रक्रिया थिक। रक्षा प्रवक्ता कहलनि कि बृहस्पतिवारक बैठक एलओसी पर नियमित मुद्दा सभ पर चर्चा करबाक लेल आयोजित कएल गेल छल। भारतीय सेनाक अधिकारी अपन समकक्ष सँग घुसपैठक प्रयास, संघर्ष विराम उल्लंघन आ आईईडी विस्फोट सभक मुद्दा सेहो उठेलनि। संगहि संग हुनक समक्ष विरोध सेहो जतौलनि।
एहिसँ पहिने ०२ अप्रैलकेँ चकन-दा-बाग क्राॅसिंग प्वाइंट क्षेत्रमे ७५ मिनट तक बिग्रेड कमांडरक फ्लैग मिटिंग भेल छल, जाहिमे दुनू पक्ष सीमा पर शांति बना कऽ राखय केर संबंधमे चर्चा कयने छलथि।बैसारमे एकटा रक्षा प्रवक्ता कहलनि जे 1 अप्रैलकेँ पाकिस्तानी सैनिक जम्मू-कश्मीरक पुंछ जिलामे नियंत्रण रेखा पर एकटा बारूदी सुरंगमे विस्फोट भेलाक बाद बिना कारण गोलीबारी क’ संघर्ष विराम केर उल्लंघन कएल। सुरक्षा अधिकारीसभ कहलनि जे 13 फरवरीकेँ पाकिस्तानी सैनिक जम्मू-कश्मीरक पुंछ जिलामे नियंत्रण रेखा पर भारतीय चौकीसभ पर बिना कारण गोलीबारी क’ संघर्ष विराम केर उल्लंघन कएल, जकरा भारतीय सेनाक मुंहतोड़ जवाब भेटल। कृष्णा घाटी क्षेत्रमे पाकिस्तानक तरफसँ संघर्ष विरामक उल्लंघन 11 फरवरीकेँ जम्मू जिलाक अखनूर क्षेत्रमे नियंत्रण रेखा लग संदेहास्पद आतंकवादी द्वारा कएल गेल एकटा इम्प्रोवाइज्ड एक्सप्लोसिव डिवाइस (आईईडी) विस्फोटक एक दिन बाद भेल, जाहिमे एकटा कप्तान सहित दू टा भारतीय सेनाक सिपाही शहीद भेल। 25 फरवरी, 2021 केँ भारत आ पाकिस्तानक बीच संघर्ष विराम संधिकेँ फेरसँ नवीन करय केर बादसँ नियंत्रण रेखा पर संघर्ष विराम उल्लंघन बहुत मुश्किल अछि।
