राजनगर प्रखंडक रामपट्टी पंचायत अंतर्गत मुरलिखा गाममे नव निर्मित पीसीसी सड़क केर लोकार्पण स्थानीय विधायक सह पूर्व मंत्री डॉक्टर रामप्रीत पासवान द्वारा कयल गेल। ई सड़क मुख्यमंत्री क्षेत्र विकास योजना अंतर्गत बनाओल गेल अछि। चौदह लाख छह हजार छह सौ टका राशिसँ निर्मित ई सड़क मुरलिखा गाममे वैद्यनाथ महतो केर घरसँ कमलदेव रायक घर धरि बनाओल गेल अछि।
सड़क लोकार्पण करैत विधायक रामप्रीत पासवान कहलनि जे सड़क समृद्ध समाज आ विकासक प्रतीक अछि। ओ कहलनि जे हमर सभक लक्ष्य अछि जे क्षेत्रक सभ गाम गली धरि सड़क बनि जाइ।
एहि अवसर पर भाजपाक वरिष्ठ कार्यकर्ता मृत्युंजय कुमार कुन्दन, सुनील कुमार झा, सहित कतेको कार्यकर्ता उपस्थित छलथि।
