पटनामे बाइक सवार अपराधी एकटा युवककेँ सरेआम बीच सड़क पर एकक बाद एक कतेको गोली मारलक। अपराधी युवक बाइकक पहिने पीछा कएलक आ फेर ओवरटेकक कयलाक बाद गोली मारि देलक। एनएच 30 पर एक बेर फेर अपराधी ताण्डव मचौलक, एतय फोर्ड अस्पतालक मेडिकल स्टाफकेँ शुक्रूदिन बाइक सवार अपराधी गोली मारि देलक। घटनाक अंजाम देलाक बाद अपराधी फरार भऽ गेल। बादमे इलाजक दौरान ओकर मृत्यु भऽ गेल।
सूचनाक बाद मौका पर पहुँचल पुलिस मामिलाक जांचमे जुटल अछि। घटना स्थल पर खोखा भेटल अछि। हालाँकि घटनाक कारण एखनि धरि स्पष्ट नहि अछि। सरेआम भेल एहि घटनाक बाद पूरा इलाकामे दहशतक माहौल अछि।
जनतबक अनुसार दिनमे करीब एक बजे जक्कनपुर थाना क्षेत्रक सिपारा पुल पर दू बाइक सवार अपराधी युवककेँ सरेआम बीच सड़क पर कतेको गोली मारलक। युवकक नाम अमित बताओल जा रहल अछि, जे मूल रूपसँ खगौलक रहनिहार अछि आ पटनाक बायपास स्थित एकटा निजी पैघ हॉस्पिटलक मेडिकल स्टाफ छल।
बीच सड़क पर युवककेँ गोली मारलासँ पुरा इलाकामे अफरा-तफरी मचि गेल। एम्हर गोली लगलासँ युवक गंभीर रुपसँ घायल भऽ गेल आ खूनसँ लथपथ सड़क पर खसि पड़ल। आ गोली मारि कऽ अपराधी स्थलसँ फरार भऽ गेल। स्थानीय लोकनि युवककेँ इलाजक लेल पासक निजी अस्पतालमे एडमिट केलक, जतय ओकर मृत्यु भ’ गेल।
घटनाक बाद पटना सदर एएसपी अभिनव कुमार घटनाक पुष्टि करैत कहलनि जे जख्मी युवकक हालत गंभीर कहल जा रहल छल। हम इलाकामे जांच अभियान शुरू कय देलियै। घटना स्थलसँ दू जिन्दा कारतूस आ तीन खोखा सेहो बरामद कय लेल गेल अछि। अपराधीसभकेँ धरपकड़ लेल हम आस-पासक सीसीटीवी फुटेजकेँ खंगालि रहल छी।
