मधुबनी जिलासँ खबरि अछि जे जानकी एक्सप्रेस पर बिजलीक तार खसल। किछुए काल धरि यात्रीमे हड़कंप मचि गेल। कोनो पैघ दुर्घटनाक डरसँ लोकक सांस अटकि गेल छल, मुदा कोनो तरहेँ समस्त स्थिति पर काबू पाबि लेल गेल।
लोको पायलटक सूझ-बूछ केर कारण एकटा पैघ रेल दुर्घटना टलि गेल। जानकारीक अनुसार ई दुर्घटना जयनगर-दरभंगा रेलखंडक खजौलीमे भेल अछि। खजौली स्टेशनक समीप ओवरहेड उपकरण टूटलाक कारण जानकी एक्सप्रेस पर बिजलीक तार खसि पड़ल। ई ट्रेन जयनगरसँ मनिहारी जा रहल छल। ट्रेनक यात्री घंटों परेशान रहलाह। समाचारक अनुसार नमो भारत ट्रेनक संग-संग बहुत रास ट्रेनक परिचालन ठप भऽ गेल।
ओतहि बिजलीक तार टूटय केर लऽ कऽ इहो कहल जा रहल अछि, कि एहि रेल खंड पर ओवरहेड इक्विपमेंटक खराबी वा टूट-फूट सहि मेंटेनेंस नहि होयबाक कारण एहेन स्थिति पैदा होइत अछि। एहि ठाम रेलवे कर्मचारक अनुसार दूटा इलेक्ट्रिकल इन्सुलेटर सेहो फाटि गेल अछि। एहि पूरा मामिलाक जानकारी रेल प्रशासन केर देल गेल अछि। संगे-संग ट्रेनक परिचालन रुकबाक कारणे बहुत रास यात्रीकेँ समस्याक सामना करय पड़लनि। ट्रेन आबयमे देरीके कारण यात्री समय पर अपन गंतव्य नहि पहुंचि सकलाह।
