पशुपति पारसकेँ एनडीए पर दलित विरोधी होयबाक आरोप, महागठबंधन’सँ दोस्तीक संकेत

पटना समदिया
*

राष्ट्रीय लोक जनशक्ति पार्टीक अध्यक्ष पशुपति पारस एनडीए गठबंधन पर अपन पार्टी संग अन्याय करबाक आरोप लगओलनि अछि। हुनक कहब अछि कि हुनकर पार्टी 2014 सँ एनडीएक वफादार सहयोगी रहल अछि, मुदा लोकसभा चुनावमे हुनका बिना कारण दरकिनार कएल गेल, कारण हुनकर पार्टी दलितक प्रतिनिधित्व करैत अछि।

पारस कहलनि कि एनडीएक बैठकसभमे सेहो हुनकर पार्टीकेँ उचित सम्मान नहि देल गेल। हुनकर कहब अछि कि बिहारमे 243 सीट पर चुनाव लड़बाक तैयारी अछि। ओ महागठबंधनसँ दोस्तीक संकेत दैत कहलनि अछि जे यदि हुनका सही समय पर उचित सम्मान भेटय तऽ ओ भविष्यक राजनीति पर विचार करताह।

दोसर दिसि ओ लालू प्रसाद यादवक परिवार आ राष्ट्रीय जनता दल संग अपन नीक संबंध सभक उल्लेख कऽ रहल छलाह जे ओ सही समयक प्रतिक्षा क’ रहल छथि, जखनि ओ सर्वसम्मतिसँ निर्णय लेताह। पारसक एहि बयानसँ बिहारक राजनीतिमे नव समीकरण बनबाक संभावना देखाइत अछि। एनडीएसँ नाराजगी आ महागठबंधनसँ मित्रताक संकेत राजनीतिक गलियारामे हलचल पैदा क’ देने अछि।