पाकिस्तान आ बांग्लादेशक बीच ग्रुप ए मैच बरखाक कारण रद्द कऽ देल गेल छल। रावलपिण्डीमे बरखाक कारण टॉस नहि भऽ सकल। ई चैंपियंस ट्रॉफी २०२५ मे मेजबान पाकिस्तानक यात्राक निराशाजनक अंत अछि। टीम तीनू मैचमे सँ कोनो मैच नहि जीति सकल। मैच रद्द भेलाक कारण दुनू टीमकेँ एक-एक अङ्क भेटल, मुदा रिज़वानक टीम समूह ए’मे अन्तिम स्थान पर रहल। बांग्लादेश अपन यात्रा हुनका सभसँ ऊपर तेसर स्थानपर समाप्त कयलक। भारत आ न्यूजीलैण्ड ग्रुप ए’सँ सेमीफाइनलक लेल क्वालीफाई कऽ चुकल अछि।
बांग्लादेशक टीम तीन मैचमे दू हारि आ एकटा अनिर्णीत मैचक संग एक अङ्क आ -०.४४क नेट रन रेटक सङ्ग तेसर स्थानपर रहल।
पाकिस्तानकेँ न्यूजीलैंड आ भारतक संग हारिक सामना करय पड़ल छल। जखनि बंगलादेश सेहो एही दुनू टीमसँ हारल। एम्हर पाकिस्तानक टीम -१.०९ के नेट रन रेटक संग चारिम स्थान पर रहल। जखनि कि ग्रुप ए केर अंतिम मैच भारत आ न्यूजीलैंडक बीच २ मार्चकेँ खेलल जायत। जे टीम ई मैच जीतत, ओ लीग राउंडक समापन करैत ग्रुप एक शीर्ष पर रहत।
एतबे नहि, पाकिस्तान खिताबक रक्षा करय लेल चैंपियंस ट्रॉफीमे प्रवेश करयवला चारिम टीम अछि मुदा समूह चरणमे बाहर भऽ गेल। ई पहिल बेर २००४ मे भेल छल जखनि भारत आ श्रीलंका समूह चरणमे बाहर भऽ गेल छल। भारत आ श्रीलंका २००२ मे एहि टूर्नामेंटक संयुक्त विजेता छल। पिछला बेर ई २०१३ मे भेल छल जखनि गत चैम्पियन टीम समूह चरणमे बाहर भऽ गेल छल। ओहि समय ऑस्ट्रेलिया कोनो मैच नहि जीत सकल छल।
