ऑपरेशन सिंदूर पर प्रेस वार्तामे भारतीय सेना कहलक कि भारतक हमलासँ बचबाक लेल पाकिस्तान अपन नागरिक विमानक ढालक रूपमे प्रयोग कऽ रहल अछि। पाकिस्तान भारतीय एयरस्पेसक कतेको बेर उल्लंघन कएलक। ओ पश्चिमी सैन्य ठिकानाकेँ निशाना बनाबय केर कोशिश कएलक। ओ नियंत्रण रेखा पर गोलीबारीो कएलक। मुदा भारत ओकरा फेल कऽ देलक।
पाकिस्तानसँ चलि रहल तनावक बीच विदेश मंत्रालय शुक्र दिन ऑपरेशन सिंदूर पर प्रेस कांफ्रेंस कएलक। एहि दौरान कर्नल सोफिया कुरैशी कहलथि कि पाकिस्तान भारतीय एयरस्पेसक कतेको बेर उल्लंघन कएलक अछि। एकर उद्देश्य भारतक रक्षा प्रणालीक जानकारी आ महत्वपूर्ण सूचना इकट्ठा करब छल। सोफिया कहलनि कि पाकिस्तान पश्चिमी सैन्य ठिकानाक निशाना बनौलक। पाक सेना LOC पर भारी गोलीबारी सेहो कएलक। भारतीय सेना कहलक कि भारतक हमलासँ बचबाक लेल पाकिस्तान अपन नागरिक विमानक ढालक रूपमे प्रयोग कऽ रहल अछि। मुदा भारतीय वायुसेना संयम देखौलक।
पाकिस्तान जम्मू-कश्मीरक तंगधार, उरी, पुंछ, मेंढर, राजौरी, अखनूर आर उधमपुरमे भारी कैलिबर आर्टिलरी गन एवं सशस्त्र ड्रोनक इस्तेमाल क’ क’ नियंत्रण रेखाक पार गोलीबारी सेहो क’ रहल अछि। पाक तुर्किए ड्रोनक इस्तेमाल क’ रहल अछि।
ओ कहलनि जे पाकिस्तानी कारवाईमे भारतक कतेको जवान हताहत भ’ गेल अछि आ कतेको घायल भ’ गेल अछि। पाकक हमलामे दूटा स्कूली बच्चाक मृत्यु भ’ गेल। जवाबी कारवाईमे पाकिस्तानी सेनाक सेहो पैघ नुकसान पहुँचाओल गेल अछि। कर्नल सोफिया कहलनि जे अंतरराष्ट्रीय सीमा आ नियंत्रण रेखा पर 36 जगह पर 300-400 ड्रोन केर घुसपैठ क’ प्रयास कयलक। मुदा भारत एहिमेसँ कतेको ड्रोनकेँ मारि देलक। भारतीय सेना कहलक जे रातिमे पाकिस्तानक मानव रहित हवाई वाहन बठिंडा सैन्य स्टेशनकेँ निशाना बनाब’ केर प्रयास कयलक। मुदा ओकरा नाकाम क’ देल गेल। पाक धार्मिक स्थान सभ केर निशाना बना रहल अछि। पाकिस्तानी हमलाक जवाबमे हम पाकिस्तानमे 4 अटैक कयलौंह। पाकिस्तानक रक्षा स्थल सभपर ड्रोन लॉन्च कयल गेल। एहिमेसँ एकटा ड्रोन AD रडार केर नष्ट करयमे सक्षम रहल।
ओतहि विदेश सचिव विक्रम मिसरी कहलनि कि काल्हि राति पाक सेना कायरतापूर्ण काज कयलक अछि। पाकिस्तान भारतीय नागरिक सभ पर हमला कयलक। पाक केर जबाब देबय लेल हम पाकिस्तानमे चारिटा आक्रमण कयलौंह। सेना जिम्मेदारीक संग हमलाक जबाब देलक।
