पाकिस्तानक सेनाध्यक्ष (सीओएएस) जनरल सैयद असीम मुनीर शनिकेँ एक बेर फेर द्वि-राष्ट्र सिद्धांतक मुद्दा उठेलनि। ओ कहलनि जे एकर मूल विचार ई अछि जे मुस्लिम आ हिंदू दू अलग-अलग राष्ट्र अछि।
मुनीर ऐबटाबाद’क काकुलमे पाकिस्तान मिलिट्री अकादमी (पीएमए) मे पासिंग आउट परेडकेँ संबोधित करैत कहलक, “द्वि-राष्ट्र सिद्धांत एहि मौलिक विश्वास पर आधारित अछि जे मुसलमान आ हिंदू एक नहि, बल्कि दू अलग-अलग राष्ट्र छथि। मुसलमान जीवनक सभ पक्ष – धर्म, रीति-रिवाज, परंपरा, सोच आ आकांक्षापर हिंदूसभसँ अलग छथि।” पाकिस्तानी सेना प्रमुख जोर दैत कहलनि जे पाकिस्तानक अस्तित्व ‘अद्वितीय संघर्ष आ कुर्बानी’ केर नतीजा अछि। ओ कहलनि जे एकर सुरक्षा करब देशक सशस्त्र बलक कर्तव्य अछि।
मुनीर पहलगाम हमलाक बाद भारत संग बढ़ैत तनावक जिक्र करैत कहलनि, “हमर पूर्वज पाकिस्तानक निर्माण लेल बलिदान देलनि। हम जानैत छी जे एकर रक्षा केना करब।”
एहि सभाकेँ प्रधानमंत्री शहबाज शरीफ सेहो सम्बोधित कयलनि। ओ कहलनि जे पाकिस्तान पहलगाम आतंकी हमलाकेँ कोनो तटस्थ, पारदर्शी आ विश्वसनीय जांचमे भाग लेबय लेल तैयार अछि।
आतंकवादी 22 अप्रैलकेँ जम्मू-कश्मीरमे एकटा प्रसिद्ध पर्यटन स्थल – पहलगाम स्थित बैसरन घाटीमे लोक (ज्यादातर पर्यटक) पर अंधाधुंध गोली चला देलक। हमलामे कमसँ कम 26 लोकक मृत्यु भऽ गेल आ कतेको अन्य घायल भऽ गेल। पहलगाम हमला केर बाद भारत-पाकिस्तानक बीच तनाव चरम सीमा पर पहुँचि गेल अछि। ई पहिल बेर नहि अछि जखन मुनीर द्वि-राष्ट्र सिद्धांतक उल्लेख कएलनि। पहलगाममे जघन्य हमलासँ किछु दिन पहिने पाकिस्तानी सेना प्रमुख एक अत्यंत भड़काऊ भाषण देलनि। 16 अप्रैलकेँ इस्लामाबादमे मुनीर पीएम शरीफक मौजूदगीमे प्रवासी पाकिस्तानी सम्मेलनकेँ सम्बोधित केलनि। ओहि ठाम मौजूद लोक सभसँ कहलनि जे ओ सभ नहि बिसरैथ जे ओ एकटा ‘उच्च विचारधारा आ संस्कृति’सँ जुड़ल छथि।
पाक सेना प्रमुख कहलनि, “अपन बच्चा सभकेँ पाकिस्तानक कथा जरूर बताबी। हमर पूर्वज सभक मानब छल जे हम जीवनक हर पहलूमे हिन्दू सभसँ विशिष्ट छी। हमर धर्म, हमर रीतिरिवाज, परंपरा, विचार आ महत्वाकांक्षा सभ अलग अछि। एहि आधार पर दू-राष्ट्र सिद्धांतक नींव राखल गेल छल।” भारत तुरंत पाक सेना प्रमुख पर निशान साधलक। विदेश मंत्रालयक प्रवक्ता रणधीर जायसवाल 17 अप्रैल कय नई दिल्लीमे एकटा नियमित मीडिया ब्रीफिंगमे कहला, “देखु, कोनो विदेशी चीज हमर गर्दनक नस कोना भऽ सकैत अछि ? इ भारतक एकटा केन्द्र शासित प्रदेश अछि। पाकिस्तान संग एकमात्र संबंध ओहि देश द्वारा अवैध रूपसँ काबिज क्षेत्रकेँ खाली करब अछि।”
