स्वच्छ भारत दिवस कार्यक्रमक तहत 4 बिहार बालिका बटालियन सहरसा द्वारा रमेश झा महिला महाविद्यालय, रूपवती बालिका उच्च एवं मध्य विद्यालय, जिला बालिका विद्यालय द्वारा स्वच्छता रैली आयोजित कयल गेल। एहि दुनू कार्यक्रमक माध्यमसँ तीनू संस्थानक एनसीसी कैडेट सभ रैलीक माध्यमसँ लोककेँ साफ-सफाईक बारेमे जागरूक कयलनि। संगहि संदेश देलनि जे हमरा सभकेँ पहिने अपन घर आ आसपाससँ साफ-सफाई शुरू करय पड़त।तखनहि समाज आ देशक स्वच्छता दिस डेग बढ़ा सकब।
एकर अलावा एनसीसी केर कैडेट पेंटिंगक माध्यमसँ साफ-सफाईसँ जुड़ल संदेश सेहो देलखिन्ह। 4 बिहार बालिका बटालियनक कमांडिंग ऑफिसर कर्नल वी रविशंकर, रमेश झा महिला महाविद्यालयक प्राचार्य प्रो.उषा सिन्हा, एनसीसी केयर टेकर डॉ. पूजा कुमारी, शिफ्त खानम, सूबेदार संतोष प्रधान, सूबेदार श्याम शर्मा, जीसीआई दीक्षा केर सफल संचालनमे संपन्न भेल।
एहि अवसर पर मुख्य रूपसँ अंडर ऑफिसर निशा, नेहा, रानी, मोनिका, खुशी, प्रियंशी, प्रीति, खुशबू सहित अन्यान्य कैडेट उपस्थित छलथि।
