पहलगाममे भेल आतंकी हमलाक बाद केंद्र सरकारक निर्देश पर उत्तर प्रदेशसँ पाकिस्तानी नागरिककेँ देशसँ बाहर कय देल गेल अछि। मुख्यमंत्री योगी आदित्यनाथक कड़क निर्देश आ पल-पल मॉनिटरिंगक नतीजा अछि जे पूरा देशमे उत्तर प्रदेश पहिल राज्य अछि, जतए 24 घन्टाक अंदर प्रदेशमे रहैत शत-प्रतिशत पाकिस्तानी नागरिक देशसँ बाहर कय देल गेल अछि। केंद्र सरकार देशक समस्त राज्य लेल एडवाइजरी जारी करैत पाकिस्तानी नागरिक सभकेँ वापस हुनक देश भेजबाक निर्देश देने छल।
अंतिम बचल एकटा पाकिस्तानी नागरिककेँ बुधदिन वापस भेजल जायत। पुलिस विभाग आ खुफिया एजेंसी निरंतर ओकरा पर नजरि रखि रहल अछि। पहलगाममे भेल आतंकी हमलाक बाद केंद्र सरकार पाकिस्तानक खिलाफ कड़ा कार्यवाही करैत किछु महत्वपूर्ण निर्णय लेलक। एहि दौरान केंद्र सरकार देशक समस्त राज्य सभकेँ एडवाइजरी जारी कय पाकिस्तानी नागरिक सभकेँ ओकर देश वापिस भेजबाक निर्देश देलक। उत्तर प्रदेशमे रहि रहल पाकिस्तानी नागरिक सभकेँ तत्काल राज्यसँ बाहर करय लेल मुख्यमंत्री योगी आदित्यनाथ गृह विभागक संग अन्य विभाग सभक अधिकारी सभ संग उच्च स्तरीय बैठक कयलनि। सीएम योगी बैठकमे अधिकारी सभकेँ सख्त निर्देश देलनि कि उत्तर प्रदेशमे रहि रहल पाकिस्तानी नागरिक सभकेँ तत्काल राज्यसँ बाहर करबाक संग-संग हुनका हुनकर देश रवाना कयल जाय।
सीएम योगी केर निर्देशक बाद प्रदेशक सभ 75 जिलाकेँ अलर्ट कय देल गेल आ कार्यवाहीक निर्देश देल गेल। एकरा संगे सीएम योगी निर्देशित कयलनि जे पाकिस्तानी नागरिक अपन देशमे वापस जाएत, एकरा लेल हुनका संग पुलिस दलकेँ पठाओल जाए ताकि सुनिश्चित भेल रहय जे ओ अपन वतन लौट गेल छथि। सीएम योगी केर निर्देशक बाद प्रदेशक सभ 75 जिलाकेँ अलर्ट कयल गेल आ कार्यवाहीक निर्देश देल गेल। वर्तमानमे प्रदेशमे केवल एकटा पाकिस्तानी नागरिक रहि रहल अछि, जकरा 30 अप्रैलकेँ वापस ओकर देश पठा देल जायत।
