पाकिस्तान क्रिकेट टीमक पूर्व खिलाड़ी शाहिद अफरीदीक पहलगाम हमला पर देल गेल बेतुका बयान पर असदुद्दीन ओवैसी जोरदार हमला कयलनि अछि। एआईएमआईएम’क प्रमुख ओवैसी अफरीदीकेँ कड़ा फटकार लगौलनि आ तिरस्कारक लहजामे हुनका जोकर कहलनि। जखनि एकटा संवाददाता ओवैसीसँ शाहिद अफरीदीक बारेमे प्रश्न पुछलनि तँ ओवैसी कहलनि, ”ई की छैक ? नाटक अछि। हमरा सभक सामने जोकरक नाम लऽ रहल छी।’
एकर संगहि ओवैसी पाकिस्तानक फाइनेंसियल एक्शन टास्क फोर्सकेँ ‘ग्रे लिस्ट’मे डालय केर मांग कएलनि। ओ कहला कि सरकार की करैत अछि आ की नै करत, ई सरकारकेँ निर्णय लेबयक अछि। हमर मांग अछि कि पाकिस्तानकेँ फेरसँ एफएटीएफक ग्रे लिस्टमे डालल जाए। ई जरूरी अछि। पाकिस्तान बहानासँ ऐंठल गेल पैसासँ आतंकवादकेँ पालि रहल अछि।
अफरीदी पाकिस्तानी मीडियाक सामने भारतक खिलाफ जमिकय जहर उगललक अछि। ओ बेतुका दावा कयलक जे ‘हमला भेल नहिं कि 10 मिनटक भीतर नई दिल्ली इस्लामाबादकेँ एही हमलाक लेल जिम्मेदार ठहरौलक। इस्लाम शांतिसँ जीबऽ सिखबैत अछि। पाकिस्तान एहेन हरकतक समर्थन नहिं करैत अछि। भारतकेँ अपनाकेँ दोषी ठहराबय केर चाही। ओहिठाम जँ पटाखा पर्यंत फटैत अछि तऽ आरोप पाकिस्तान पर झारि देल जाइत अछि।’
एकर बाद अफरीदी भारतीय मीडिया पर बेबुनियाद आरोप मढ़लक। ओकर कहब छल, ‘हैरानीक बात अछि कि हमलाक एक घंटाक भीतर हुनक मीडिया बॉलीवुडमे बदलि गेल। हर चीज केर बॉलीवुड नहिं बनाउ। हर टीवी चैनल पर पाकिस्तान पर बिना सबूतक इल्जाम लगाओल जा रहल छल।’ अफरीदी एतय नहि नहि रुकल, फेर मीडियासँ बात करैत भारतीय सेनाक बारेमे सेहो बेतुका आ बेबुनियाद बयान देलक।
