ऑपरेशन सिंदूरक बाद पहिल बेर पीएम नरेंद्र मोदी देशकेँ काल्हि संबोधित कयलनि। भारत-पाकिस्तान तनावक संघर्ष विरामक बाद पीएम मोदी अपन संबोधनमे कहलनि जे बितल दिन देशक सामर्थ्य आ ओकरा संयमकेँ देखल गेल अछि। हम सबसँ पहिने भारतक पराक्रमी सेनाक, सशस्त्र बलक, हमर खुफिया एजेंसिक, वैज्ञानिकक हर भारतवासीकेँ दिसिसँ सैल्यूट करैत छी। वीर सैनिक सभ ऑपरेशन सिंदूरक प्राप्तिक लेल असीम शौर्यक प्रदर्शन करैत अछि। हुनक वीरता, साहस आ पराक्रमकेँ आई ई पराक्रम समर्पित करैत छी।
22 अप्रैलकेँ पहलगाममे आतंकवादी सभ जे बर्बरता देखेलक, से देश आ दुनियाकेँ झकझोरि देलक। ई देशक सद्भावकेँ तोड़बाक प्रयास सेहो छल।
प्रधानमंत्री कहलनि जे हमर एयरफोर्स, हमर नेवी, हमर बीएसएफ, भारतक सुरक्षाबल लगातार अलर्ट पर अछि। आब ऑपरेशन सिंदूर आतंकवादक खिलाफ भारतक नीति अछि। ऑपरेशन सिंदूर आतंकक खिलाफ लड़ाईमे एकटा नया लकीर खींचि देलक अछि। एकटा नया पैमाना तय कय देलक अछि। पाकिस्तानक सीनामे बसल आतंकक अड्डा सभकेँ खंडहर बना देल गेल अछि। एहि कारणे पाकिस्तानक तरफसँ गुहार लगाओल गेल। जखन ई कहल गेल जे हुनकर ओरसँ आगू कोनो आतंकी गतिविधि आ सैन्य दुस्साहस नहि देखाओल जायत तखनि भारत एही पर विचार कएलक।
पीएम मोदी कहलनि कि पाकिस्तान दुनियाभरिमे तनाव कम करबाक लेल गुहार लगा रहल छल आ पूरा तरह पिटलाक बाद मजबूरीमे 10 मईकेँ दोपहर पाकिस्तानी सेना हमरा डीजीएमओसँ संपर्क कयने छल, तखनि धरि हम आतंकवादक इन्फ्रास्ट्रक्चरकेँ पैघ पैमाना पर तबाह कय चुकल छलौं। पीएम मोदी आगू कहलनि कि भारत केर ड्रोन्स सटीकतासँ हमला कयलक। पाकिस्तानी सेनाक एयरबेसकेँ नुकसान पहुंचाओल गेल। भारत पहिल तीन दिनमे एतेक तबाही कय देलक जकर अंदाजा नहि छल। एहि कारण भारतक आक्रामक कार्यवाहीकेँ बाद पाकिस्तान बचबाक रास्ता खोजय लागल।
संबोधनमे पीएम मोदी कहलानि भारतक एहि हमलामे 100 सँ बेसी खूंखार आतंकवादी मारल गेल। आतंककेँ बहुत रास आका बीतल ढाई-तीन दशकसँ खुल्ला पाकिस्तानमे घुमि रहल छल, जे भारतक खिलाफ साजिश कय रहल छल। ओकरा भारत एक झटकामे खत्म कऽ देलक। भारतक एहि कार्यवाहीसँ पाकिस्तान घोर निराशामे ग्रसित भऽ गेल, बौखला गेल आ एहि बौखलाहटमे ओ एकटा आर दुस्साहस कएलक, आतंक पर भारतक संग देबाक केर बदला पाकिस्तान भारत पर हमला करऽ लागल। पाकिस्तान हमर स्कूल, कॉलेज, गुरुद्वारा, मंदिर आ सामान्य नागरिककेँ घर सभकेँ निशाना बनेलक। पाकिस्तान हमर सैन्य ठिकाना सभकेँ निशाना बनेलक। मुदा एहीमे सेहो पाकिस्तान खुद बेनकाब भऽ गेल। संसार देखलक जे कोना पाकिस्तानक ड्रोन, पाकिस्तानक मिसाइल भारतक सामने तिनकाकेँ रूपमे बिखरि गेल। भारतक सशक्त एयर डिफेंस सिस्टम ओकरा आसमानमे नष्ट कऽ देलक। पाकिस्तानक तैयारी सीमा पर युद्धक छल लेकिन भारत पाकिस्तानक सीना पर वार कऽ देलक।
प्रधानमन्त्री मोदी कहलनि कि अपरेशन सिंदूर केवल नाम नहि अछि, ई देशक भावनाकेँ प्रतिबिम्ब अछि। अपरेशन न्यायक अखंड प्रतिज्ञा अछि। 6 मईक देर राति 7 मईक मध्य संपूर्ण संसार ई प्रतिज्ञाकेँ परिणाममे बदलैत देखलक। भारतक सेनासभ पाकिस्तानमे आतंकक ठिकानासभ पर हुनक ट्रेनिंग सेंटर पर सटीक प्रहार कयलनि। आतंकवादीसभ सपनामे सेहो नहि सोचने छल कि भारत एतेक पैघ निर्णय लय सकैत अछि। मुदा जखनि देश एकजुट होइत अछि तँ राष्ट्र सर्वोपरि भऽ जाइत अछि, तखनि फौलादी निर्णय लेल जाइत अछि।
