‘ऑपरेशन सिंदूर’ केर जिक्र करैत प्रधानमंत्री नरेंद्र मोदी कहलनि कि एकर माध्यमसँ पूरा दुनिया नव भारतक रूप देखलक। ‘ऑपरेशन सिंदूर’ केर बाद पहिल बेर बेंगलुरु पहुंचल प्रधानमंत्री मोदी मेट्रोक येलो लाइनक उद्घाटन कयलनि आओर तेसर चरणक शिलान्यास सेहो कयलनि। ओ कहलनि कि ‘ऑपरेशन सिंदूर’ केर सफलता उन्नत तकनीकक शक्ति आ ‘मेक इन इंडिया’ पहल पर आधारित अछि, जाहिमे बेंगलुरु आ कर्नाटकक युवाक महत्वपूर्ण भूमिका छल।
प्रधानमंत्री मोदी कहलनि, “ऑपरेशन सिंदूर केर सफलताक पाछु एकटा पैघ कारण अछि कि हमर तकनीक आ रक्षामे मेक इन इंडियाक शक्ति अछि। एहीमे बेंगलुरु आ कर्नाटकक युवा केर बहुत योगदान अछि। हम एकरा लेल सबकेँ बधाई दैत छि।” ओ कहलनि कि ऑपरेशन सिंदूरमे भारतीय सेनाक सफलता, सीमापार कतेको किलोमीटर भीतर आतंकी ठिकानाकेँ नेस्तनाबूद करबाक केर ताकति आ आतंकवादीक बचावमे उतरल पाकिस्तानकेँ किछु घंटामे घुटना पर आनय केर हमर क्षमताकेँ दुनिया देखलक अछि।
कार्यक्रमकेँ संबोधित करैत पीएम मोदी कहलनि जे हम बेंगलुरुकेँ एकटा एहेन शहरक रूपमे उभरैत देखि रहल छी जे नव भारतक उदय केर प्रतीक बनि गेल अछि। एकटा एहेन शहर जकर आत्मामे तत्व ज्ञान आ अपन एक्शनमे टेक ज्ञान होय। वैश्विक आईटी मैप पर भारतक झंडा फहराबै वाला शहर।
ओ बेंगलुरुक ‘सफलताक कहानी’ केर श्रेय शहरवासीक मेहनति आ प्रतिभाकेँ देलनि। प्रधानमंत्री कहलनि जे 21म सदीमे शहरी नियोजन आ शहरी बुनियादी ढांचा हमर शहरक जरूरत अछि। भविष्यक लेल बेंगलुरु सन शहर तैयार करय पड़त। भारत सरकार द्वारा एहि शहरमे पूर्वमे हजारों करोड़क परियोजना शुरू कयल गेल छल। आब एहि अभियानकेँ नव गति भेटि रहल अछि आ मेट्रोक येलो लाइनक उद्घाटन भऽ गेल अछि। मेट्रोक तेसर चरणक शिलान्यास भऽ गेल अछि।
भारतक बढ़ैत अर्थव्यवस्थाक जिक्र करैत प्रधानमंत्री कहलनि कि पिछला ११ सालमे हमर अर्थव्यवस्था १० नंबर सँ टॉप-५ मे पहुँचि गेल अछि, हम्में टॉप-३ अर्थव्यवस्था बनय केर दिशामे बहुत तेजीसँ आगू बढ़ी रहल छी। विकसित भारतक ई यात्रा डिजिटल इंडिया केर संग कदम मिला कऽ पूरा होइत जायत । ओ कहलनि कि इंडिया एआई मिशन एहेन योजनाक संग भारत वैश्विक एआई नेतृत्वक दिसि बढ़ि रहल अछि।
प्रधानमंत्री कहला जे आब ‘सेमीकंडक्टर मिशन’मे सेहो गति बढ़ि रहल अछि। भारतकेँ जल्दिये मेड इन इंडिया चिप्स भेटयवाला अछि । भारत ‘कम लागत, उच्च तकनीक’ अंतरिक्ष मिशन केर वैश्विक उदाहरण बनि गेल अछि।
