ईरानसँ ऑपरेशन सिंधु’ केर तहत तेसर फ्लाइट शनिदिन नई दिल्ली पहुँचल, जाहिमे २९० भारतीय सवार छल। एहिमेसँ 190 जम्मू कश्मीरक लोक छल। सब गोटे अपन देश वापस आबि कए बहुत खुश छथि। ई लोक कुशल वापसी पर ‘हिन्दुस्तान जिन्दाबाद’ केर नारा लगा कऽ भारत सरकारक प्रति आभार व्यक्त कयलनि।
विदेश मंत्रालय केर सचिव (सीपीवी एंड ओआईए) अरुण कुमार चटर्जी कहलनि, “प्रधानमंत्री नरेंद्र मोदीक नेतृत्वमे हमर सरकार केर सर्वोच्च प्राथमिकता अछि विदेशमे भारतीय नागरिकक सुरक्षा आ कल्याण। हुनक मार्गदर्शन आ नेतृत्वमे दू दिन पहिने‘ऑपरेशन सिंधु’क शुरुआत कयल गेल छल । एही उड़ानमे तेहरानसँ २९० यात्री वापस आबि गेल अछी। हम बहुत आभारी छी।” ईरान सरकारक संग-संग आर्मेनिया आ तुर्कमेनिस्तान, जे विशेष उड़ानक माध्यमसँ हमर नागरिककेँ ईरान आबय-जाय केर सुविधा देलक।”
ओ आगू कहलनि, “जे फ्लाइट एखनि उतरल अछि ओहिमे 290 यात्री छल। एहिमेसँ 190 जम्मू-कश्मीर केंद्र शासित प्रदेशक छल। एकर अलावा हरियाणा, दिल्ली, महाराष्ट्र, पश्चिम बंगाल आ कर्नाटक राज्यक लोक सेहो छल। ताहि लेल हुनकर मुस्कान हमरा सभ लेल सबस पैघ इनाम छल।”
अरुण कुमार चटर्जी आगू कहलनि जे, “ऑपरेशन सिंधुक तहत इजरायलमे मौजूद भारतीय नागरिककेँ वेबसाइट पर पंजीकरण करय लेल कहल गेल अछि। ताहि लेल एक बेर नागरिककेँ ओतय पंजीकरण कयला केर बाद हम हुनका लेल विशेष निकासीक उड़ानक व्यवस्था करब, जाहि लेल विभिन्न एयरलाइंस पर काज भऽ रहल अछि। ‘ऑपरेशन सिंधु’ एखनि शुरू भेल अछि। मात्र दू दिन भेल अछि। आइ तेसर दिन अछि, ताहि लेल निश्चिंत रहू। एहि देशसँ बहुत रास उड़ान आबि जायत आ हमर नागरिककेँ वापस लऽ कऽ आओत।” हम ई सुनिश्चित करय चाहय छी जे प्रधानमंत्रीक मार्गदर्शनमे हुनकर सुरक्षाक संग-संग हुनकर भलाई केर सेहो ध्यान राखल जाए।’
अपन देश वापस आयल लोक कहलनि, “ईरानमे हमरा सभकेँ भारत सरकार दिसिसँ फाइव स्टार होटल भेटल। डर छल। हमरा सबकेँ पता नहिं छल कि अगिला क्षण की होयत, मुदा हमरा सबकेँ पता छल कि भारत सरकारकेँ हमर सभक चिंता अछी। हमरा सभकेँ पता छल कि हम सुरक्षित रूपसँ अपन देश वापस आयब।”
भारत वापस आयल मौलाना सैयद मोहम्मद सईद कहलनि, “ईरानमे युद्धक स्थिति अछि, मुदा ओतय केर लोक सेहो बहुत सहयोग कयलक। दूतावास आ विदेश मंत्री एस. जयशंकर भारत वापसी लेल बहुत सहयोग कयलनि। एकटा आओर नागरिक कहलनि जे, “13 जूनक साँझमे हमर सबहक फ्लाइट छल, मुदा भोरमे स्थिति आओर खराब भऽ गेल। एकर बाद भारत सरकार उत्कृष्ट व्यवस्था कयलक। ओ सभ हमरा सभ लेल सबसँ नीक होटलक व्यवस्था कयलक, भोजन आ रहबाक व्यवस्था कयलक आ हमरा सभकेँ सुरक्षित रूपसँ अपन देश वापस आनि देलक। हम सभ भारत सरकार आ प्रधानमंत्रीकेँ एहि लेल आभारी छी।”
फिलहाल ईरानमे फंसल आर भारतीय केर वापस अनबाक तैयारी चलि रहल अछि। ईरान आ इजरायलक बीच युद्ध जारी अछि।
