प्रधानमंत्री नरेंद्र मोदीक अध्यक्षतामे बृहस्पतिकेँ भेल केंद्रीय केबिनेटक बैसारमे किसान आ रेलवेसँ जुड़ल कतेको पैघ घोषणा कएल गेल।
केंद्रीय मंत्री अश्विनी वैष्णव आ अन्य मंत्रिसभ बतेलनि कि कुल छह महत्वपूर्ण निर्णयक मंजूरी देल गेल, जेकर सीधा असर देशक किसान, सहकारी संस्था आ रेलवे नेटवर्क पर पड़त।
केबिनेट राष्ट्रीय सहकारी विकास निगम (NCDC) केँ 2000 करोड़ रुपयाक वित्तीय सहायता देबाक घोषणा कएलक। एहि योजनासँ देशक 94 प्रतिशत किसान वर्गकेँ लाभ भेटत। एकर तहत 2025-26 सँ लऽ कऽ 2028-29 तकक लेल ई सहयोग जारी रहत। सरकारक लक्ष्य अछि जे एहिसँ सहकारी संस्था आओर मजबूत होयत आ किसानक आय बढ़ेबाक काज करत।
मोदी सरकार PMKSY केर लेल कुल 6520 करोड़ रुपयाक परिव्ययक मंजूरी देलक अछि, जाहिमे 1920 करोड़ रुपैयाक अतिरिक्त राशि सामिल अछि। एहि योजनाक अंतर्गत:1000 करोड़ रुपैयासँ खाद्य परीक्षण प्रयोगशालाक आ विकिरण इकाईक स्थापना कएल जायत।
100 NABL मान्यता प्राप्त फूड टेस्टिंग लैब्स आओर 50 फूड इरिडेशन यूनिट्स स्थापित कयल जायत। अन्य घटक योजनाक लेल 920 करोड़ रुपया मंजूर कयल गेल अछि। केंद्रीय मंत्री बतौलनि कि फूड प्रोसेसिंग सेक्टरक एक्सपोर्ट 11 वर्षमे दुगुना भऽ कऽ 5 बिलियन डॉलरसँ बढ़ि कऽ 11 बिलियन डॉलर पहुँचल अछि।
