बिहारक दरभंगामे चैत नवरात्रक पहिल दिन उपद्रवी दुर्गा मंदिरसँ लौटि रहल श्रद्धालु पर पथराव कएलक। एही घटनाक बाद भगदड़ मचल। भगदड़क बाद क्षेत्रमे भारी पुलिस बलक तैनाती कएल गेल अछि। पुलिस 6 लोककेँ गिरफ्तार कएलक।
चैत नवरात्रक पहिल दिन बिहारक दरभंगामे दुर्गा मंदिरसँ लौटि रहल श्रद्धालु पर एक समुदाय विशेष केर लोकसभ एक छतसँ पथराव कएलक। पथराव होयबासँ भगदड़ मचल। भगदड़मे किछु लोकक घायल होयबाक सेहो समाचार अछि। एही घटनासँ क्षेत्रमे तनाव कायम अछि। भारी पुलिस बलक तैनाती कएल गेल अछि। हालाँकि, दरभंगाक एसएसपी जागुनाथ रेड्डी स्थिति सामान्य होएबाक बात कहलनि।
दरभंगाक ग्रामीण एसपी आलोक केर मुताबिक, मात्र एक अफवाहक कारण केवट गामा पंचायत केर पछियारी गाममे पथरावक घटना भेल। कियो अफवाह उड़ा देलक जे दोसर समुदायक लोक सभ एक मुर्गाक डंडासँ मारि देलक, जखनि कि ई अफवाह छल। एही हेतु समुदाय विशेषक द्वारा दुर्गा मंदिरमे कलश स्थापना क’ लौटि रहल श्रद्धालु पर छतसँ पथराव कएल गेल।
एही घटनाक तुरंत बाद कतेको थानाक पुलिस स्थल पर पहुँचि गेल आ स्थितिकेँ नियन्त्रणमे लए लेलक। पुलिस 45 लोक पर नामजद प्राथमिकी दर्ज कएने अछि आ 6 लोककेँ गिरफ्तार कएने अछि। दरभंगा ग्रामीण एसपी आलोक घटनाक पुष्टि करैत कहलनि जे आब स्थिति बिलकुल सामान्य अछि।
पत्थरबाज़ीक कारण भगदड़ उत्पन्न भेल। लोक अपन प्राण बचाबय लेल एम्हर उम्हर भागय लागल। कहल जाइत अछि जे गामक लोक एकटा छत पर इकट्ठा भऽ कऽ भीड़ पर पत्थर फेकि रहल छल। आकस्मिक हमलसँ दोसर समुदायके लोक घबरा गेल। तुरन्त पुलिसकेँ सूचना देल गेल। खबर भेटैत कुशेश्वरस्थान, तिलकेश्वर आ बिरौलसँ भारी संख्यामे पुलिस बल गाँव पहुँचल। पुलिस स्थितिकेँ नियंत्रित कएलक। फिलहाल क्षेत्रमे पुलिस कैम्प कऽ रहल अछि।
होलीक दिन दुई समुदायक बीच झड़प भेल छल। जनतबक अनुसार, गाममे दुइ हप्ता पहिने होलीक दिन दु समुदायक बीच झड़प भेल छल। ओहि दिन सेहो बहुत लोक घायल भेल छल। पुलिस दुनू पक्षक सहमतिसँ पीआर बॉंड भरवा कऽ मामिला शान्त कएलक।
पंचायतक पूर्व मुखिया आलोक कुमार उर्फ विकास कुमार कहलनि जे होलीक दिन मामूली बात पर एकटा विशेष समुदायक लोकनि होली खेलि रहल युवककेँ घायल कऽ देलनि। तैयों आपसी बातचीतसँ मामिला सुलझा लेल गेल छल। मुदा रविकेँ भेल पत्थरावसँ गाममे दहशत फैलि गेल अछि। पुलिस अधिकारीगण गाम पहुँचि स्थितिक जायजा लेलनि। गाममे पुलिस बल तैनात कऽ देल गेल अछि। दरभंगा ग्रामीण एसपी आलोक कहलनि जे स्थिति सामान्य अछि। भारी पुलिस बल गाममे तैनात कऽ देल गेल अछि।
