अमेरिकाक उपराष्ट्रपति जेडी वेंस चारि दिनक यात्रा पर काल्हि भारत पहुँचलथि। सोमक भोर 10 बजे ओ पालम हवाई अड्डा पहुँचलाह। ओ भारतमे 21 सँ 24 अप्रैल धरि रहताह।
जेडी वेंस अपन पत्नी उषा वेंस आ तीन बच्चाक संग भारत आएल छथि। रोम एयरपोर्टसँ हुनक एकटा वीडियो शेयर भेल अछि, जाहिमे अमेरिकी उपराष्ट्रपतिक बच्चा खुश देखाइ दैत अछि।
जनतब जे भारत जेडी वेंस केर बच्चाक ननिहाल अछि। हुनक पत्नी उषा वेंस आंध्र प्रदेशक रहय वाली छथि। भले ही हुनकर परिवार अमेरिकामे रहैत छथि, मुदा हुनकर पैतृक गाँव आंध्रमे अछि। वीडियोमे वेंसक दुनू बेटा इवान आ विवेक हाथमे लकड़ीक तलवार लहरेने देखाइ देलक।
दिल्लीमे पालम एयरबेस पर लैंडिंगक बाद अमेरिकी उपराष्ट्रपति जेडी वेंस स्वामीनारायण अक्षरधाम मंदिर पहुँचलाह, जतय ओ करीब एक घंटा तक समय बितौलनि। एही बारेमे जनतब दैत अक्षरधाम मंदिरक प्रवक्ता कहलनि जे जेडी वेंसक पूरा परिवार करीब 55 मिनट तक मंदिरमे रहल। मंदिरक अंदर एक घंटाक हुनक अनुभव अविस्मरणीय रहल। स्वागतक बाद ओ भगवान स्वामीनारायणक चरणारविंदक दर्शन कएलनि आ तकर बाद ओ भारत उपवनक दौरा कयलनि। हुनका उद्यान बहुत नीक लागल।
अतिथि पुस्तिकामे अपन अनुभव साझा करैत, अमेरिकी उपराष्ट्रपति जेडी वेंस लिखलनि, ‘एकर खूबसूरती पर हमर आ हमर परिवारक स्वागत करबा लेल सभक बहुत-बहुत धन्यवाद। ई भारतक नाममे पैघ श्रेय अछि जे अपने सटीकता आ देखभाल संग एकटा सुंदर मंदिर बनौलनि। हमर बच्चाक विशेष रूपसँ ई बहुत पसंद आएल।
उपराष्ट्रपति वेंस केर आधिकारिक यात्राक दौरान दुनू देश केर बीच महत्वपूर्ण व्यापार समझौताकें लेल बातचीत भऽ सकैत अछि। ओ प्रधानमंत्री नरेंद्र मोदीसँ सेहो भेट करताह। ई दुनू नेता केर बीच द्विपक्षीय बैठक होयत। पहिल मुलाकात फरवरीमे पेरिसमे एआई शिखर सम्मेलन केर दौरान भेल छल। ओहिठामसँ प्रधानमंत्री अमेरिकी राष्ट्रपति डोनाल्ड ट्रंप केर संग बैसार लेल वाशिंगटन डीसी गेल छलथि।
वेंस एही कार्यकालमे भारत आबि रहल ट्रंप प्रशासन केर दोसर वरिष्ठ अधिकारी छथि। पहिल बेर राष्ट्रीय खुफिया निदेशक तुलसी गबार्ड भारत आबि चुकल छथि, जिनकर दौरा मार्चमे भेल छल। ओ प्रधानमंत्री आ अन्य अधिकारी सभसँ भेँटक अलावा रायसीना डायलॉग केँ सेहो सम्बोधित करताह। रायसीना डायलॉग राष्ट्रीय सुरक्षा आ विदेश नीति केर नेता आ संपूर्ण विश्व केर विशेषज्ञ सभक एकटा वार्षिक सरकारी समर्थन भेटबाक अछि। वेंस 13 वर्षमे भारत यात्रा करयवला पहिल अमेरिकी उपराष्ट्रपति छथि। तकर पहिने 2013 फरवरीमे तत्कालीन उपराष्ट्रपति आ बादमे राष्ट्रपति बनल जो बाइडेन भारत आयल रहथि।
