विपक्षक मकसद मोदीकेँ उखाड़ि फेंकब, हमर मकसद देशक विकास – मोदी
भाजपा संसदीय दलक बैसारमे मोदीक दिशानिर्देश
*
नई दिल्ली
*
भाजपा संसदीय दलक बैसारमे पार्टी सांसदसभकेँ सम्बोधित करैत प्रधानमंत्री नरेन्द्र मोदी कहलनि जे विपक्षक उद्देश्य नरेन्द्र मोदीकेँ उखाड़ि फेकब अछि, जखन कि हमर उद्देश्य देशक विकास करब अछि। इ सोचक अंतर अछि।
प्रधानमंत्री नरेन्द्र मोदी बिना नाम लेल, संसदक सुरक्षामे उल्लंघनक विषयमे राहुल गाँधी द्वारा देल गेल वक्तव्य पर निशाना साधैत इहो कहलनि जे लोकतांत्रिक प्रक्रिया आ लोकतंत्रमे विश्वास करयवला कोनो दल एहन घटनाकेँ कोना उचित ठहरा सकैत अछि ?
सदनमे भेल घटनापर आक्रोश व्यक्त करैत प्रधानमंत्री कहलनि जे संसद भवनमे जे भेल ओकर समर्थन करब गलत अछि मुदा विपक्ष जे कऽ रहल अछि ओ तीन राज्यमे हारिपर हुनक हताशा अछि। एहन बुझाइत अछि जे विपक्ष अपन मन बना लेलक अछि जे ओ विपक्षमे बैसताह।
संसदीय दलक बैसारक उल्लेख करैत पार्टी नेता रविशंकर प्रसाद कहलनि जे वर्तमान संसदमे जे भेल ओहि पर गहरा आक्रोश व्यक्त करैत प्रधानमंत्री बैसारमे कहलनि जे संसद चर्चाक मंच अछि, बहुत रास गंभीर विधेयक जे देशक विकासक मार्ग केर खोलत, एहग पर चर्चा होयबाक चाही आ ई (विपक्षी दल) जे रोकि रहल छथि, संसदमे बाधा उत्पन्न कऽ रहल छथि, तीन राज्यमे विधानसभा चुनाव हारब हुनकर हताशा अछि आ ओहि हताशाक कारण संसदमे बाधा उत्पन्न कयल जा रहल अछि आ आओर बेसी चिन्ताजनक बात ई अछि जे नौजवान बच्चा सभ ई कयलक, तकरा प्रत्यक्ष वा अप्रत्यक्ष रूपसँ उचित ठहरायल जा रहल अछि, जे आओर बेसी चिन्ताजनक अछि।
प्रसाद कहलनि जे प्रधानमंत्री मोदी बैसारमे कहलनि जे कोनो दल जे लोकतांत्रिक प्रक्रिया आ लोकतंत्रमे विश्वास करैत अछि ओ एहन घटनाकेँ केना उचित ठहरा सकैत अछि। घटनाक जांच कएल जा रहल अछि, जांच होए केर चाही।
ओ कहलनि जे विपक्षी दल अपन तरीका, चरित्र आ सोच नहिं बदलि रहल अछि, ई दुर्भाग्यपूर्ण अछि।
भाजपाक पैघ जीतक चर्चा करैत प्रधानमंत्री कहलनि जे ई 2023 के अंतिम मंगल केर बैठक अछि आ एखनि जे हॉल (मीटिंग हॉल) अछि, से आब लगभग ढाई ब्लॉकसँ भाजपा सांसदसँ भरल अछि, 2024 मे पूरा ब्लॉक भरि जायत आ विपक्षक लोकक संख्या कतेक होयत, बताबय केर कोनो जरूरत नहिं अछि आ एकर कारण बहुत स्पष्ट अछि जे आइ तथाकथित इंडिया गठबंधन अछि , जकरा हम घंमडिया गठबंधन कहैत छी, ओकर बैसारक उद्देश्य नरेन्द्र मोदी सरकारकेँ उखाड़ब अछि आ हमसभ जे एतय बैसल छी ओकर उद्देश्य भारतक भविष्यकेँ उज्ज्वल करब अछि।
भाजपा सांसदसभकेँ अपन भाषणमे संयम राखब, लोकतांत्रिक मूल्यक पालन करबाक आ लोकतांत्रिक आचरणक अनुसार बजबाक सलाह दैत प्रधानमंत्री कहलनि जे पहिल बेर १८ सालक मतदाता दस सालसँ भाजपा सरकारकेँ देखि रहल छथि, तेँ हुनका सभकेँ ई बतौनाइ आवश्यक अछि जे अतीतमे की स्थिति छल आ भाजपा १० सालमे की बदललक अछि। ओ सांसदसभकेँ छुट्टीक समय सीमावर्ती गामक दौरा करबाक सलाह सेहो देलनि।
